https://intertv.az/ ru idman - InterTv.Az DataLife Engine https://intertv.az/index.php?newsid=61337 https://intertv.az/index.php?newsid=61337 ]]>

Bu gün UEFA Konfrans Liqasının pley-off mərhələsinin püşkü atılacaq.

İsveçrənin Nyon şəhərində keçirilən püşkatma mərasimində Azərbaycanı sözügedən turnirdə təmsil edəcək "Qarabağ" da potensial rəqibini tanıyacaq.

Tədbir Bakı vaxtı ilə saat 16:00-da başlayacaq.

Qurban Qurbanovun baş məşqçisi olduğu komanda avrokubok mübarizəsinə Avropa Liqasında başlayaraq ilk mərhələdə İslandiyanın "Vestri" kollektivini hər iki oyunda 3:0 yenib. "Köhlənlər" 2-ci mərhələdə Bolqarıstan təmsilçisi ÇSKA ilə bacarmayıb. Hər iki görüş və əlavə vaxt 0:0 bitdiyi üçün qalib penaltilər seriyasına ehtiyac duyulub. "Lotoreya"da isə gülən tərəf bolqarlar olub. Beləliklə, Konfrans Liqasına yuvarlanan "Qarabağ" mübarizəni burada davam etdirəcək. Ağdam klubu üçüncü təsnifat mərhələsində Ukrayna təmsilçisi "Dinamo Kiyev" ilə münasibətlərinə aydınlıq gətirəcək. Tərəflər arasında ilk duel 6 avqustda səfərdə, cavab oyunu bir həftə sonra Bakıda baş tutacaq.

Xatırladaq ki, pley-off mərhələsinin ilk oyunları avqustun 20-si, cavab görüşləri 27-də keçiriləcək. (fanat.az) ]]> cabbar Mon, 03 Aug 2026 11:15:08 +0400 https://intertv.az/index.php?newsid=61317 https://intertv.az/index.php?newsid=61317 ]]>

“Qarabağ”ın UEFA Konfrans Liqasının III təsnifat mərhələsində Kiyev “Dinamo”suna qarşı keçirəcəyi oyunların hakimləri müəyyənləşib.

“Avqustun 6-da Bakı vaxtı ilə 21:00-da Polşanın Lublin şəhərində keçiriləcək matçı danimarkalı hakimlər briqadası idarə edəcək.

Baş hakim Morten Kroq, yan xətt hakimləri Şteffen Bramsen və Viktor Skite olacaq. Dördüncü hakim funksiyasını Yakob Karlsen yerinə yetirəcək. VAR sisteminə Yakb Kelet nəzarət edəcək.

Avqustun 13-də Bakıda təşkil olunacaq cavab matçı isə İngiltərədən olan hakimlər briqadasına həvalə edilib.

Görüşün baş hakimi Stüart Attvell olacaq. Ona yan xətt hakimləri Yan Hussin və Nik Qrinhalq kömək edəcəklər. Dördüncü hakim funksiyasını Lyuis Smit yerinə yetirəcək. VAR-da Piter Benks olacaq.

Qeyd edək ki, avqustun 13-də Tofiq Bəhramov adına Respublika Stadionunda keçiriləcək matç saat 20:00-da başlayacaq. ]]> cabbar Sat, 01 Aug 2026 09:48:38 +0400 https://intertv.az/index.php?newsid=61269 https://intertv.az/index.php?newsid=61269 ]]>

Bu gün UEFA Avropa Liqasının II təsnifat mərhələsinin cavab oyunları keçiriləcək.

Azərbaycan təmsilçisi "Qarabağ" səfərdə Bolqarıstanın ÇSKA Sofiya klubu ilə üz-üzə gələcək. Qarşılaşma Sofiyadakı Vasil Levski stadionunda baş tutacaq və Bakı vaxtı ilə saat 22:00-da start götürəcək.

Komandalar arasında Bakıda keçirilən ilk oyun qolsuz heç-heçə (0:0) ilə yekunlaşıb. Bu səbəbdən cütün taleyi cavab görüşündə müəyyənləşəcək.

Bu mərhələni uğurla adlayan komanda UEFA Avropa Liqasının III təsnifat mərhələsində "Şerif" (Moldova) – "Makkabi Təl-Əviv" (İsrail) cütünün qalibi ilə qarşılaşacaq. ]]> cabbar Thu, 30 Jul 2026 09:55:26 +0400 https://intertv.az/index.php?newsid=61262 https://intertv.az/index.php?newsid=61262 ]]>

FIFA 2026-cı il dünya çempionatının yarımfinalında İngiltərəni məğlub edən Argentina millisi ilə bağlı intizam araşdırmasına başlayıb. Araşdırmaya komandanın oyunçularının Folklend adaları ilə bağlı siyasi mesaj əks etdirən bannerlə qeyd etmələri və finaldan sonra meydanda yaşanan insidentlər səbəb olub.

Argentina yarımfinalda İngiltərəni 2:1 hesabı ilə məğlub edərək finala yüksəlib.

Qarşılaşmadan sonra bəzi argentinalı futbolçular üzərində “Las Malvinas son Argentinas” (“Malvin adaları Argentinanındır”) yazılan bannerlə meydana çıxıblar. Banner Cənubi Atlantikadakı Folklend adaları ilə bağlı uzun illərdir davam edən Argentina-Böyük Britaniya mübahisəsinə işarə edib.

1833-cü ildən Böyük Britaniyanın nəzarətində olan adalar üzərində suverenlik mübahisəsi 1982-ci ildə müharibəyə səbəb olub. 74 gün davam edən Folklend müharibəsində 900-dən çox insan həyatını itirib.

FIFA-nın intizam qaydaları idman tədbirlərindən qeyri-idman nümayişləri və siyasi mesajların yayılması üçün istifadə edilməsini qadağan edir. Bu səbəbdən Argentina Futbol Federasiyasına qarşı araşdırma başladılıb.

Hadisə Böyük Britaniyada da siyasi reaksiyaya səbəb olub. Keçmiş Britaniya Baş naziri Kir Starmerin sözçüsü bildirib ki, DÇ Böyük Britaniyaya məxsus olmasa da, Folklend adaları ölkənin ərazisidir.

ABŞ-nin FIFA İşçi Qrupunun rəhbəri Endryu Culiani isə argentinalı futbolçulara dəstək verərək, ABŞ-nin söz azadlığını müdafiə etdiyini bildirib.

Argentina millisi daha əvvəl də Folklend adaları ilə bağlı oxşar addıma görə FIFA-nın cəzası ilə üzləşib. 2014-cü ildə komanda Sloveniya ilə yoldaşlıq oyunundan əvvəl eyni məzmunlu banner nümayiş etdirdiyinə görə 20 min funt-sterlinq cərimələnmişdi.

FIFA-nın Argentina ilə bağlı araşdırması yalnız yarımfinaldakı bannerlə məhdudlaşmır. Finaldan sonra meydanda baş verən insidentlər də intizam komitəsinin diqqətindədir.

Argentina finalda İspaniyaya əlavə vaxtda 1:0 hesabı ilə məğlub olub. Qarşılaşmadan sonra futbolçular arasında gərginlik yaşanıb və meydanda qarşıdurma baş verib.

Argentina millisinin yarımmüdafiəçisi Leandro Paredes İspaniya futbolçusu Erik Qarsiyaya qarşı hərəkətinə görə üç ayrı hücum ittihamı ilə üzləşir. Nahuel Molina isə iki hücum və bir idmançıya yaraşmayan davranış ittihamı üzrə araşdırılır.

Argentina millisinin köməkçi məşqçisi Roberto Ayala da hücum ittihamı ilə araşdırmaya cəlb olunub. Finalda meydana çıxmayan Tiaqo Almada isə idmançıya yaraşmayan davranışda ittiham edilir.

İspaniya millisinin futbolçusu Qavi də eyni maddə üzrə araşdırılanlar arasındadır.

FIFA tərəflərə öz müdafiələrini təqdim etmək üçün vaxt verildiyini və intizam komitəsinin yekun qərarını daha sonra açıqlayacağını bildirib. ]]> cabbar Thu, 30 Jul 2026 09:23:23 +0400 https://intertv.az/index.php?newsid=61201 https://intertv.az/index.php?newsid=61201 ]]>

Prezident İlham Əliyev 15 yaşınadək oğlanlar arasında futbol üzrə ilk dünya çempionatı və festivalının 2026-cı ildə Azərbaycanda keçirilməsi ilə əlaqədar tədbirlər haqqında Sərəncam imzalayıb.

Sənəddə qeyd edilib ki, Beynəlxalq Futbol Federasiyaları Assosiasiyası (FIFA) Şurası Bürosunun 2026-cı il 25 iyun tarixli iclasında 15 yaşınadək oğlanlar arasında futbol üzrə ilk dünya çempionatı və festivalının (FIFA U-15 World Cup and Festival) 2026-cı il oktyabrın 22–31-də Azərbaycanda keçirilməsi barədə qərar qəbul edib.

"İdman tarixində ilk dəfə keçiriləcək 15 yaşınadək oğlanlar arasında futbol üzrə dünya çempionatı və festivalına Azərbaycanın ev sahibliyi etməsi ölkəmizin beynəlxalq idman aləmində artan nüfuzunun daha da möhkəmlənməsinə, futbolun inkişafına və Azərbaycanın mötəbər yarışların təşkili sahəsində qazandığı təcrübənin zənginləşməsinə xidmət edəcək.

15 yaşınadək oğlanlar arasında futbol üzrə ilk dünya çempionatı və festivalının Azərbaycanda keçirilməsi ilə bağlı tədbirlərin əlaqələndirilməsi və zəruri məsələlərin həlli 20 yaşınadək kişilər arasında futbol üzrə dünya çempionatının 2027-ci ildə Azərbaycanda keçirilməsi ilə əlaqədar Azərbaycan Respublikası Prezidentinin 2025-ci il 15 dekabr tarixli 849 nömrəli Sərəncamı ilə yaradılmış Təşkilat Komitəsinə həvalə edilsin", - sənəddə deyilir. ]]> cabbar Mon, 27 Jul 2026 14:00:21 +0400 https://intertv.az/index.php?newsid=61137 https://intertv.az/index.php?newsid=61137 ]]>

"Qarabağ" ÇSKA ilə cavab oyununda daha yaxşı nəticə əldə etməyə çalışacaq.

Bunu Ağdam təmsilçisinin baş məçqçisi Qurban Qurbanov ÇSKA-ya (Sofiya) qarşı keçirdikləri UEFA Avropa Liqasının II təsnifat mərhələsinin ilk oyunundan sonra mətbuat konfransında deyib.

Mütəxəssis bərabərə bitən qarşılaşmanı şərh edib:

"İlk dəqiqələrdən gərgin oyun oldu. Yaxşı komandaya qarşı mübarizə apardıq. Düşünürəm ki, bir o qədər baxımlı matç izləmədik. Hava sərin olsaydı daha yaxşı oyuna şahidlik edə bilərdik. Cavab görüşündə daha yaxşı nəticə qazanmağa çalışacağıq".

Qeyd edək ki, "Qarabağ" və ÇSKA komandaları arasında keçirilən ilk oyunda qapılara qol vurulmayıb. Tərəflər arasında cavab matçı 1 həftə sonra Sofiya şəhərində reallaşacaq.//Report ]]> cabbar Fri, 24 Jul 2026 09:00:40 +0400 https://intertv.az/index.php?newsid=61110 https://intertv.az/index.php?newsid=61110 ]]>

Ağdamın “Qarabağ” klubu bu gün UEFA Avropa Liqasında növbəti oyununu keçirəcək.

“köhlən atlar” turnirin II təsnifat mərhələsinin ilk oyununda, Bakıda Bolqarıstanın ÇSKA (Sofiya) kollektivini qəbul edəcək.

Qarşılaşma Tofiq Bəhramov adına Respublika stadionunda, saat 20:00-da start götürəcək. Matçı italiyalı FIFA referisi Daniele Kiffi idarə edəcək.

Xatırladaq ki, komandalar arasında cavab matçı iyulun 30-da Sofiya şəhərində baş tutacaq. ]]> cabbar Thu, 23 Jul 2026 10:18:49 +0400 https://intertv.az/index.php?newsid=61054 https://intertv.az/index.php?newsid=61054 ]]>

Bu gün UEFA Çempionlar Liqasının II təsnifat mərhələsinin ilk oyunları keçiriləcək.

“Azərbaycanı turnirdə təmsil edən “Sabah” Masazırda Finlandiya təmsilçisi “KuPS”u qəbul edəcək.

Qarşılaşma saat 20:00-da başlayacaq və oyunu Polşadan olan hakimlər briqadası idarə edəcək.

Komandalar arasında cavab görüşü iyulun 28-də Finlandiyada baş tutacaq.

Bu cütün qalibi Çempionlar Liqasının III təsnifat mərhələsində Danimarkanın “Orhus” və Polşanın “Lex” klubları arasındakı duelin qalibi ilə qarşılaşacaq.

Məğlub komanda isə mübarizəsini UEFA Avropa Liqasında davam etdirəcək. Belə ki, həmin kollektiv III təsnifat mərhələsində “Levski” (Bolqarıstan) – “Universitatya” (Rumıniya) cütünün məğlubu ilə üz-üzə gələcək.

UEFA Çempionlar Liqası

II təsnifat mərhələsi, ilk oyun

21 iyul

20:00. “Sabah” (Azərbaycan) – “KuPS” (Finlandiya)

Baş hakim: Lukaş Kujma (Polşa)

Stadion: Masazır stadionu. ]]> cabbar Tue, 21 Jul 2026 09:50:02 +0400 https://intertv.az/index.php?newsid=61051 https://intertv.az/index.php?newsid=61051 ]]>

2026-cı il dünya çempionu olan İspaniya millisi vətənə möhtəşəm şəkildə qayıdıb. Madriddə təşkil olunan qələbə paradında 1 milyondan çox azarkeş küçələrə axışaraq, dünya çempionlarını alqışlayıb.

İspaniya millisini daşıyan üstüaçıq avtobus paytaxtın mərkəzi küçələri ilə hərəkət edərkən yüz minlərlə azarkeş “İspaniya!” şüarları səsləndirib.

Futbolçular dünya kubokunu havaya qaldıraraq, qələbə sevincini azarkeşlərlə bölüşüblər.

Qələbə paradından əvvəl komanda Zarsuela Sarayında Kral VI Felipe, Kraliça Letisiya, şahzadə Leonor və şahzadə Sofiya tərəfindən qəbul olunub. Futbolçular daha sonra İspaniyanın Baş naziri Pedro Sançeslə görüşüblər.

Kral VI Felipe mundial zəfərini “epik nailiyyət” adlandıraraq, milli komandanın İspaniyanı yenidən dünya futbolunun zirvəsinə qaytardığını bildirib.

Baş nazir Pedro Sançes isə futbolçulara və məşqçi heyətinə təşəkkür edərək, komandanın 2030-cu il dünya çempionatında da uğur qazanacağına inandığını deyib.

Paradın son dayanacağı Madridin simvolik Cibeles meydanı olub. Meydan və ətraf küçələr İspaniya bayraqları ilə bəzədilib, minlərlə azarkeş çempionluğu gecə saatlarınadək qeyd edib.

Qeyd edək ki, İspaniya millisi finalda Argentinanı məğlub edərək, tarixində ikinci dəfə DÇ-nin qalibi olub. Bu, komandanın 2010-cu ildə Cənubi Afrikada qazandığı ilk çempionluqdan sonra əldə etdiyi növbəti mundial zəfəridir. ]]> cabbar Tue, 21 Jul 2026 09:38:21 +0400 https://intertv.az/index.php?newsid=61050 https://intertv.az/index.php?newsid=61050 ]]>

İspaniyanın futbol üzrə dünya çempionatının finalında Argentinanı məğlub edərək ikinci dəfə dünya çempionu olması ölkəyə təkcə idman uğuru deyil, həm də ciddi iqtisadi dividendlər gətirib.

“Qafqazinfo” xəbər verir ki, Ferran Torresin əlavə vaxtda vurduğu qolla qazanılan çempionluq İspaniya Futbol Federasiyasına FIFA-dan rekord məbləğdə – 50 milyon dollar (təxminən 43,7 milyon avro) mükafat qazandırıb.

Bu vəsait 48 komandalı dünya çempionatı üçün ayrılmış 655 milyon dollarlıq mükafat fondunun bir hissəsidir.

Federasiya əldə olunan gəlirin bir hissəsini futbolçular və məşqçi heyəti arasında bölüşdürəcək, qalan məbləğ isə futbolun inkişafı və təşkilati xərclər üçün istifadə olunacaq.

Hesablamalara görə, dünya çempionluğu İspaniya iqtisadiyyatına qısamüddətli, lakin nəzərəçarpacaq təsir göstərə bilər. Aberdin Universitetinin iqtisadçısı Marko Mellonun araşdırmasına əsasən, dünya çempionluğu qazanan ölkələrin ÜDM-i finaldan sonrakı iki rübdə orta hesabla 0,48 faiz artır.

“Freedom24 Iberia” şirkətinin direktoru Pedro Santa Kruzun hesablamalarına görə, bu göstərici İspaniyanın 1,69 trilyon avroluq iqtisadiyyatına tətbiq olunduqda təxminən 4 milyard avroluq əlavə gəlir deməkdir.

Bildirilir ki, bu artımın əsas səbəbi təkcə bayram əhval-ruhiyyəsi deyil. Dünya çempionluğu ölkənin məhsul və xidmətləri üçün qlobal reklam rolunu oynayır və ixracın 5-6 faiz daha sürətlə artmasına şərait yaradır.

Çempionatın gedişində İspaniyada xidmət sektorunda da ciddi artım müşahidə olunub.

“Square” platformasının məlumatına görə, milli komandanın qrup mərhələsindəki oyunları zamanı bar və restoranlarda əməliyyatların həcmi 36 faiz artıb. Sevilyada isə bu göstərici 66 faizə çatıb.

Madrid küçələrində keçirilən qələbə paradına bir milyondan çox azarkeşin qatılması da iqtisadi fəallığı artırıb.

Bununla belə, iqtisadçılar dünya çempionluğunun iqtisadi problemləri həll etmək gücünə malik olmadığını vurğulayırlar. Məsələn, İspaniyanın 2010-cu ildə qazandığı dünya çempionluğu ölkədəki yüksək işsizlik səviyyəsini və iqtisadi böhranı aradan qaldırmayıb. ]]> cabbar Tue, 21 Jul 2026 09:34:37 +0400