https://intertv.az/ ru iqtisadiyyat - InterTv.Az DataLife Engine https://intertv.az/index.php?newsid=61272 https://intertv.az/index.php?newsid=61272 ]]>

Nyu-Yorkun COMEX əmtəə birjasında qızılın bir troya unsiyasının qiyməti 0,1% artaraq 4 101 ABŞ dollarına bərabər olub.

Birja məlumatları xəbər verir ki, COMEX-də gümüşün bir unsiyasının qiyməti isə 1,24% azalaraq 57.37 dollar təşkil edib. ]]> cabbar Thu, 30 Jul 2026 10:06:33 +0400 https://intertv.az/index.php?newsid=61261 https://intertv.az/index.php?newsid=61261 ]]>

"Bu ilin altı ayı ərzində Mərkəzi Bank 1.5 milyard ABŞ dolları həcmində alış yönümlü müdaxilə edib. Azərbaycan manatının möhkəmlənməsinin qarşısının alınması üçün müdaxilə etdik ki, məzənnə 1.7 dollar səviyyəsində qalsın. Əhalinin manata olan inamı son 4 ildə çox artıb. Bu sadəcə sözlər deyil, bunun arxasında rəqəmlər də var".

Bunu Azərbaycan Mərkəzi Bankının (AMB) sədri Taleh Kazımov Azərbaycan Dövlət Televiziyasına və APA İnformasiya Agentliyinə müsahibəsində bildirib.

AMB sədri əlavə edib ki, son 18 ayda valyuta bazarında təklif tələbi üstələyib:

"Bu bir faktdır. İkinci fakt isə ondan ibarətdir ki, 2026-cı ilin ilk altı ayında Mərkəzi Bankın keçirdiyi valyuta hərraclarında 757 milyon ABŞ dolları satılıb. Müqayisə üçün qeyd edim ki, 2025-ci ilin eyni dövründə bu rəqəm 2,7 milyard ABŞ dolları, 2024-cü ilin ilk altı ayında isə 3,5 milyard ABŞ dolları olub. Göründüyü kimi, kifayət qədər azalma var.

2021-ci ildə rezident fiziki şəxslərin əmanətlərinin 40%-i xarici valyutada idisə, bu gün bu göstərici cəmi 25%-dir. Yəni azala-azala dollarlaşma səviyyəsi düşür. Son 4 ildə manatla olan əmanətlərin həcmi iki dəfədən çox artıb. Rəqəmlə desək, 6.3 milyard artıb və 12.5 milyard manat səviyyəsində formalaşır. Bu da əhalinin manata inamının gücləndiyini və valyutaya tələbatın azaldığını göstərir".

Taleh Kazımov əlavə edib ki, bəzən heç bir əsas olmadan insanlar arasında “kurs dəyişəcək” kimi fikirlər yayılır: "İnsanlar da başlayır narahat olmağa və hamı axırıncı manatını götürüb qaçır valyuta mübadilə məntəqələrinə dollar alır, bir həftədən sonra isə satır. Mən istəyirəm bunu çox sadə dildə izah edim. Bunun üçün hər hansı fundamental əsas yoxdur. Hansısa qərarı verməmişdən öncə təhlillər aparmalıyıq, yəni doğrudanmı bizdə problem var? Bizim əsas məqsədimiz, mandatımızın qiymət sabitliyidir və makroiqtisadi sabitlikdir. Buna nail olmaq üçün bugünkü çərçivə, sabit məzənnə rejimi tam uyğundur. Bu siyasətimizi növbəti illərdə də davam etməyi planlaşdırırıq". ]]> cabbar Thu, 30 Jul 2026 09:16:02 +0400 https://intertv.az/index.php?newsid=61258 https://intertv.az/index.php?newsid=61258 ]]>

Sumqayıt və Xırdalan istiqamətində yeni metro xəttinin yaradılacağı nəzərdə tutulur. Bildirilib ki, paytaxtın metro infrastrukturunun genişləndirilməsi çərçivəsində 10 yeni metro xəttinin çəkilməsi planlaşdırılır. Lakin metronun genişləndirilməsi ilə bağlı bu cür açıqlamalar illərdir səslənsə də, bir çox layihələr üzrə dəqiq açılış tarixləri hələ də açıqlanmır. Xüsusilə Xırdalan sakinləri uzun müddətdir metro xəttinin onların yaşadığı əraziyə çatdırılmasını gözləyir.

Bəs yeni metro xətlərinin tikintisi və istifadəyə verilməsi niyə gecikir? Sumqayıt və Xırdalan istiqamətində nəzərdə tutulan xətt nə vaxt reallaşa bilər?

Globalinfo.az-a danışan nəqliyyat eksperti Elməddin Muradlı deyib ki, metro xətlərinin çəkilməsi asan proses deyil:

“Bu, aylarla deyil, əksər hallarda illərlə davam edən mürəkkəb infrastruktur layihəsidir. Ancaq bu, görüləcək işlərin plansız və qeyri-müəyyən şəkildə həyata keçirilməsi anlamına gəlməməlidir. Məsələyə ciddi yanaşılmalı, dəqiq plan hazırlanmalıdır. Hansı tarixdə tikintiyə başlanacağı, hansı tarixdə başa çatacağı əvvəlcədən müəyyənləşdirilərək ictimaiyyətə açıqlanmalıdır. Əlbəttə, belə iri layihələrdə bir-iki, hətta üç-beş aylıq gecikmələr baş verə bilər. Lakin bu gecikmələr illərlə davam etməməlidir. İnsanların narazılığı da məhz bundan qaynaqlanır. Çünki uzun illərdir eyni layihələr barədə danışılır, lakin real nəticələr görünmür. Bu cür yanaşma düzgün deyil”.

Ekspertin fikrincə, digər tərəfdən də, metro tikintisinin son dərəcə mürəkkəb proses olduğunu nəzərə almaq lazımdır:

“Marşrutların müəyyənləşdirilməsi, ərazilərin hazırlanması, geoloji tədqiqatlar, təhlükəsizlik tələblərinə əməl olunması və digər texniki mərhələlər kifayət qədər vaxt tələb edir. Buna baxmayaraq, uzun illər ərzində yalnız müzakirələrin aparılması, real işlərin isə görülməməsi haqlı suallar doğurur. Hesab edirəm ki, dövlətin də marağı bu layihələrin mümkün qədər operativ şəkildə həyata keçirilməsidir. Bunun üçün isə əsas şərt bütün qurumlar arasında dəqiq koordinasiyanın təmin edilməsi, işlərin əvvəlcədən düzgün planlaşdırılması, ərazilərin vaxtında müəyyənləşdirilməsi və bütün mərhələlərin ardıcıl icra olunmasıdır”.

Xırdalan və Sumqayıt istiqamətində metro xətlərinin çəkilməsinə gəlincə, Elməddin Muradlı deyib ki, bu layihələr hazırda ayrıca dövlət proqramında nəzərdə tutulmasa da, gələcəkdə ayrıca layihələr çərçivəsində həyata keçirilməsi ilə bağlı niyyət var. ]]> cabbar Wed, 29 Jul 2026 12:42:28 +0400 https://intertv.az/index.php?newsid=61219 https://intertv.az/index.php?newsid=61219 ]]>

Məlum olduğu kimi, Rusiya hökuməti benzin ixracına tətbiq etdiyi qadağanı 2026-cı ilin sonunadək uzadıb. Rusiya baş nazirin müavini Aleksandr Novakın açıqlamasına görə, qərar həm benzin istehsalçılarına, həm də qeyri-istehsalçılara şamil ediləcək və Rusiyanın daxili bazarında qiymət sabitliyini təmin etməyə hesablanıb. Rəsmi Moskva bunu logistika problemləri və bəzi bölgələrdə yaranan yanacaq çatışmazlığı ilə izah etsə də, ekspertlər hesab edirlər ki, qərarın arxasında daha geniş geosiyasi və iqtisadi məqsədlər dayanır. Mütəxəssislərin fikrincə, Rusiya daxili tələbatı tam təmin etməklə yanaşı, yaxın müttəfiqlər üçün də yanacaq ehtiyatlarını qorumağa çalışır. Xüsusilə Qazaxıstanın benzin ehtiyacının müəyyən hissəsinin Rusiyadan qarşılanması ehtimalı bu siyasətin əsas istiqamətlərindən biri kimi göstərilir. Bu isə region ölkələrinin yanacaq bazarında yeni balansın formalaşmasına səbəb ola bilər.

Belə bir vəziyyətdə Azərbaycanın da adı müzakirələrdə hallanır. Rusiya bazarında ixrac məhdudiyyətlərinin davam etməsi regionda benzin və neft məhsullarının qiymətlərinə, logistika marşrutlarına, idxal-ixrac axınlarına və enerji təhlükəsizliyinə necə təsir göstərə bilər? Azərbaycanın yanacaq bazarı bu qərardan birbaşa və ya dolayısı ilə necə təsirlənə bilər? Ölkəmizin neft məhsulları ixracı üçün yeni imkanlar yarana bilərmi?

Mövzu ilə bağlı enerji məsələləri üzrə ekspert, Neft Araşdırmalar Mərkəzinin rəhbəri İlham Şaban Musavat.com-a danışıb.

Ekspert qeyd edib ki, Rusiya cari ilin mart ayından etibarən ciddi problemlərlə üzləşir:

"Belə ki, ölkənin neftayırma zavodları, eləcə də neft saxlama anbarları mütəmadi olaraq Ukrayna hərbi qüvvələrinin hücumlarına məruz qalır. Ümumiyyətlə, qeyd olunur ki, Rusiyada fəaliyyət göstərən 74 iri neftayırma zavodundan 38-i bu və ya digər formada Ukrayna dronlarının hücumuna məruz qalıb. Təbii ki, bunun nəticəsində həmin müəssisələrin istehsal gücü azalıb, onlardan bir neçəsi isə fəaliyyətini tamamilə dayandırıb. Bu da Rusiyanın daxili bazarında avtomobil yanacağının qıtlığına səbəb olub və nəticədə Rusiya hökuməti belə bir qərar qəbul edib".

İlham Şabanın fikrincə, belə bir şəraitdə Azərbaycanın mövcud vəziyyətdən iqtisadi baxımdan faydalanmaq imkanları məhduddur:

"Əgər siz Dövlət Gömrük Komitəsinin və Dövlət Statistika Komitəsinin bülletenlərinə baxsanız, görərsiniz ki, biz yanacaq idxal edən ölkələr sırasındayıq. Azərbaycan 2014-cü ildən etibarən yüksək oktanlı benzini idxal edir. Müəyyən dövrlərdə Aİ-92 markalı benzini də idxal edir. Eyni zamanda Azərbaycan aviasiya yanacağını, kerosini idxal edən ölkələr sırasındadır. Yəni biz Heydər Əliyev adına Neft Emalı Zavodunda 2015-ci ildə başlanan modernizasiya prosesini hələ də tam başa çatdıra bilməmişik. Bu baxımdan da biz neft məhsulları ilə özünü tam təmin edən ölkələrdən deyilik. Çox yaxşı olardı ki, həmin modernizasiya prosesi artıq başa çatdırılaydı. İndi Azərbaycanda emal həcmləri azalıb. Bununla bağlı Energetika Nazirliyinin məcmuələrinə, rüblük hesabatlarına baxmaq olar. Əgər həmin zavod kifayət qədər səmərəli işləsəydi, texnoloji və texniki imkanları daha geniş olsaydı, əlbəttə ki, mövcud şəraiti nəzərə alaraq bundan kifayət qədər qazanc əldə edə bilərdik. Çox təəssüf ki, əvvəllər Rusiyadan idxal etdiyimiz, hazırda isə həmin ölkənin daxili bazarında tələbat duyulan yanacağı biz indi daha yüksək qiymətə Avropanın neftayırma zavodlarından idxal etmək məcburiyyətindəyik".

Ekspert hökumət qurumlarının bu sahədə analitik hesabatlarının olmamasını da vurğulayıb:

"Çox təəssüf edirəm ki, Azərbaycanın yanacaq bazarındakı vəziyyətin təhlili ilə bağlı hökumət qurumlarının, o cümlədən Hesablama Palatasının nə bir tövsiyəsinə, nə də vəziyyətə dair hər hansı məlumatına rast gəlmişəm. Hətta zamanında yeni neftayırma zavodunun tikilməməsi səbəbindən Azərbaycanın itirdiyi mümkün maliyyə gəlirləri ilə bağlı hökumət qurumlarının nə məlumatını, nə də adi bir arayışını görmüşəm. Əvəzində nə baş verir? Neftin qiyməti 1 dollar artan kimi Azərbaycanın bütün KİV-ləri yazır ki, guya bundan Azərbaycan büdcəsinə nə qədər böyük gəlir daxil olub.

İran-ABŞ müharibəsi zamanı neftin qiymətinin 100 dolları aşması bir daha göstərdi ki, Azərbaycan KİV-lərinin hər gün dərc etdiyi məlumatlara baxmayaraq, büdcəyə neft sektorundan nə qədər əlavə gəlir daxil olması ilə bağlı nə Dövlət Vergi Xidməti, nə Maliyyə Nazirliyi, nə də hökumətin hər hansı qurumu rəsmi açıqlama verib. Biz bilmirik ki, 2025-ci ildə, eləcə də 2026-cı ilin birinci və ikinci rüblərində xam neft hansı orta qiymətə ixrac olunub. Eyni zamanda təbii qazın orta satış qiymətinin nə qədər olduğu barədə də ictimaiyyətə məlumat verilmir. Deyə bilərlər ki, bununla bağlı Dövlət Gömrük Komitəsi hər ay hesabat dərc edir. Ancaq həmin hesabatlar reallığı tam əks etdirmir. Çünki onlar ölkədən ixrac olunan real həcmləri belə tam şəkildə göstərmir". ]]> cabbar Tue, 28 Jul 2026 12:21:43 +0400 https://intertv.az/index.php?newsid=61191 https://intertv.az/index.php?newsid=61191 ]]>

“Azərbaycanda işsizlikdən sığorta təminatı verən daha bir məhsul hazırlanır. Kredit risklərinin sığortalanması təsdiq olunacaq qaydalarda nəzərdə tutulan hallar baş verən zaman ödənilə bilməyən borcun üçüncü tərəfin vəsaiti hesabına bağlanması nəzərdə tutulacaq”.

Bunu Milli Məclisin deputatı, iqtisadçı Vüqar Bayramov bildirib.

Onun sözlərinə görə, borcalanların həyatı, ölümü və əmək qabiliyyətinin itirilməsi hallarından sığortalanması artıq tətbiq olunur və bu, Mərkəzi Bankın qaydaları ilə tənzimlənir.

Deputat vurğulayıb ki, hazırlanan yeni qaydalar birbaşa kredit götürən şəxslərin işsiz qalma riskindən sığortalanmasını nəzərdə tutur.

“Bəzi hallarda vətəndaşlarımız kredit götürürlər, amma onlardan asılı olmayan səbəbdən həmin kreditin ödənilməsində çətinlik yaranır. Vətəndaşımızın iş yeri bağlanır və ya işdən azad olunur, və yaxud bir sıra digər birbaşa onun özündən asılı olmayan hallar baş verir və nəticədə həmin kreditin geri qaytarılmasında çətinlik yaranır. Kreditin və ya kredit riskinin sığortalanması belə hallar baş verən zaman öhdəliyin sığorta şirkəti tərəfindən ödənilməsinə imkan verəcək. Kredit risklərinin sığortalanması həm vətəndaşları maliyyə baxımından qoruyacaq, həm də bankların risklərini azaldacaq”, - o qeyd edib.

V.Bayramov söyləyib ki, burada əsas məqamlardan biri bu sığorta növünün tətbiq ediləcəyi halda kredit götürən şəxsin xərci ilə bağlıdır:

“Belə ki, sığortadan istifadə etmək kredit götürən üçün əlavə xərc deməkdir və yalnız sığorta ödənişləri həyata keçirildiyi halda sığorta hadisəsi baş verən zaman öhdəliklər qarşılana bilər. Bu, kredit götürən şəxslərin məşğulluğunu itirmə hallarında sığortalanmasıyla yanaşı, kreditin xərc stukturunun dəyişməsi, onların kredit ödənişlərinin sığorta tərəfindən qarşılanması, öhdəliklərin kredit götürən və bank arasında bölüşdürülməsi və eləcə də məşğulluğun itirilməsi riskinə qarşı sığortanın tətbiqinin kredit bazarına təsirinin qiymətləndirilməsini də aktuallaşdırır.

Azərbaycanda kredit faizlərinin yüksək olduğunu nəzərə alsaq, banklar müəyyən faiz azalmalarına getməklə bu sığorta növünün tətbiqi halında kredit xərclərindəki artımı kompensasiya edə bilərlər. Bu halda kredit götürən üçün ciddi xərc yaratmadan bu sığorta növünün tətbiqi mümkündür.

Bütün hallarda, kredit risklərinin sığortalanması ilə bağlı yeni qaydaların daha qısa zamanda təsdiqi məqsədəuyğun olardı və bu bank sektorunda mütərəqqi dəyişiklik olmaqla yanaşı, bankların da risklərini azalda bilər”. ]]> cabbar Mon, 27 Jul 2026 12:24:18 +0400 https://intertv.az/index.php?newsid=61184 https://intertv.az/index.php?newsid=61184 ]]>

Bu ilin I yarısında Azərbaycan işğaldan azad olunmuş ərazilərinin (Qarabağ və Şərqi Zəngəzur) yenidən qurulmasına və bərpasına 1 milyard 64,1 milyon manat vəsait yönəldib.

Maliyyə Nazirliyi xəbər verir ki, bu, ötən ilin eyni dövrü ilə müqayisədə 31,45 % azdır.

Məlumata görə, ayrılmış vəsait sifarişçi təşkilatların müvafiq layihələr üzrə təqdim etdiyi kassa sifariş sənədlərinə uyğun olmaqla, illik nəzərdə tutulmuş vəsaitin 30,4 %-i qədər olub.

Həmin vəsaitin 974,1 milyon manatı infrastruktur təyinatlı layihələrinin (avtomobil yolları infrastrukturunun layihələndirilməsi, tikintisi, yenidən qurulması üçün 489,3 milyon manat, yeni yaşayış komplekslərinin layihələndirilməsi və tikintisi işlərinin aparılması üçün 371,1 milyon manat, turizm infrastrukturunun yaradılması üçün 67,6 milyon manat, Şuşa, Xankəndi və Laçın şəhərlərində kanat yolunun layihələndirilməsi və tikintisi üçün 15,9 milyon manat, işğaldan azad olunmuş ərazilərdə yaşayış məntəqələrinin elektrik təchizatla təmin olunması üçün 15,3 milyon manat, magistral su xətlərinin, tullantı, yağış kollektorlarının və qurğularının tikintisinin layihə-smeta sənədlərinin hazırlanması və tikintinin həyata keçirilməsinə 7,6 milyon manat, sənaye parklarının fəaliyyətinin təşkili və onların ərazisində infrastrukturun yaradılmasına 7,3 milyon manat), 29,8 milyon manatı səhiyyə və mədəniyyət yönümlü sosial təyinatlı layihələrin maliyyələşdirilməsinə, 45,3 milyon manatı ərazilərin minalardan təmizlənməsinə, 14,9 milyon manatı isə müdafiə və hüquq-mühafizə təyinatlı obyektlərin tikintisi və təmiri tədbirləri üzrə xərclərə yönəldilib. ]]> cabbar Mon, 27 Jul 2026 11:26:09 +0400 https://intertv.az/index.php?newsid=61160 https://intertv.az/index.php?newsid=61160 ]]>

Azərbaycanda süni intellektin ipoteka kreditləşmə prosesinə tətbiqi planlaşdırılır.

Bunu İpoteka və Kredit Zəmanət Fondunun Baş meneceri Rasim Abdullayev bildirib.

Onun sözlərinə görə, fondun əsas hədəflərindən biri dövlətin strateji prioritetlərinə uyğun olaraq xidmətlərin rəqəmsallaşdırılmasını sürətləndirməkdir: "Dövlət xidmətlərinin elektronlaşdırılması istiqamətində müxtəlif qanunvericilik təşəbbüsləri və tədbirlər planları Prezidentin sərəncamları ilə təsdiqlənib. 2026–2028-ci illər üzrə dövlət xidmətlərinin rəqəmsal transformasiyasının sürətləndirilməsinə dair tədbirlər planından irəli gələn vəzifələrə uyğun olaraq Fond da müvafiq tədbirlərin icrasını həyata keçirir. Əsas hədəflər rəqəmsal xidmətlərin daha da təkmilləşdirilməsi, süni intellekt həllərinin ipoteka kreditləşdirilməsi, satmaq öhdəliyi ilə kirayə mənzil mexanizminə tətbiqi, vətəndaşlardan tələb olunan sənədlərin toplanması yükünün faktiki olaraq 0-a endirilməsi, xidmətlərdə fiziki təmasın minimuma endirilməsi və yaşayış maliyyəsi alətlərinin əlçatanlığının artırılmasıdır. Bu məqsədlə Fond beynəlxalq təcrübəni öyrənir və Azərbaycanın mövcud iqtisadi reallıqları nəzərə alınmaqla qeyd olunan istiqamətlər üzrə işləri davam etdirir".

Bundan başqa, Fond rəsmisi deyib ki, müvafiq dövlət qurumları ilə inteqrasiya ilə bağlı danışıqlar gedir: "Fondun operatoru olduğu Elektron İpoteka və Kredit Zəmanət Sistemi vasitəsilə göstərilən xidmətlər üzrə müxtəlif dövlət qurumları ilə inteqrasiya təmin edilib. Hazırda sistem 8 dövlət qurumu ilə aktiv məlumat mübadiləsi aparır. Növbəti dövrlərdə bu sayın artırılması nəzərdə tutulur və bununla bağlı müvafiq dövlət qurumları ilə danışıqlar davam etdirilir".

"Bəzən mediada kreditləşmə prosesində sənədləşmə ilə bağlı çox sayda sənəd tələb olunduğu barədə xəbərlər yayılır. Lakin reallıq fərqlidir. İpoteka və Kredit Zəmanət Fondu ölkədə elektronlaşma və rəqəmsallaşma sahəsində xidmətlərini ilk elektronlaşdıran qurumlardan biridir. Fond hələ 2013-cü ildən etibarən bir çox xidmətlərini elektron formada təqdim edir. Bu baxımdan Fond Elektron İpoteka və Kredit Zəmanət Sistemi vasitəsilə xidmətlərini göstərən pioner qurumlardan biridir. Tələb olunan sənədlər də dəfələrlə sadələşdirilib. Hazırda sənədlərin böyük əksəriyyəti elektron sistem vasitəsilə əldə olunur. Bu səbəbdən vətəndaşların sənədləri fiziki olaraq banka təqdim etməsi artıq çox aşağı səviyyədədir. Fond növbəti dövrlərdə də fiziki təmasın minimuma endirilməsi istiqamətində işləri davam etdirəcək", - deyə R.Abdullayev əlavə edib. ]]> cabbar Fri, 24 Jul 2026 13:10:14 +0400 https://intertv.az/index.php?newsid=61147 https://intertv.az/index.php?newsid=61147 ]]>

Dünya bazarlarında "Azeri Light" (CIF) markalı Azərbaycan neftinin qiymətində ciddi artım qeydə alınıb.

Azərbaycan neftinin 1 barelinin qiyməti 8,54 ABŞ dolları və ya 8,5 faiz bahalaşaraq 109,10 ABŞ dollarına yüksəlib.

Əvvəlki ticarət sessiyasında "Azeri Light" markalı neftin bir bareli 100,56 ABŞ dolları səviyyəsində satılıb.

Qeyd edək ki, Azərbaycanın 2026-cı il dövlət büdcəsində "Azeri Light" markalı neftin orta ixrac qiyməti bir barel üçün 65 ABŞ dolları səviyyəsində nəzərdə tutulub. Hazırkı qiymət büdcədə əsas götürülən göstəricidən 44,1 dollar və ya təxminən 68 faiz yüksəkdir.

Bu artım dünya enerji bazarlarında qiymətlərin yüksəlməsi fonunda Azərbaycanın əsas ixrac məhsulunun dəyərinin əhəmiyyətli dərəcədə artdığını göstərir. ]]> cabbar Fri, 24 Jul 2026 10:04:44 +0400 https://intertv.az/index.php?newsid=61107 https://intertv.az/index.php?newsid=61107 ]]>

Dünya bazarında neftin qiyməti 96 dolları ötüb.

“ICE” birjasında Brent markalı neftin sentyabr fyuçersləri 2,08 ABŞ dolları və ya 2,21% bahalaşaraq bir barel üçün 96,15 ABŞ dollarına yüksəlib.

“Nymex” birjasında “WTI” markalı neftin sentyabr fyuçersləri isə 1,51 ABŞ dolları və ya 1,74% artaraq 88,34 ABŞ dolları təşkil edib.

Qiymət artımına əsas səbəb bazarlarda Yaxın Şərqdə geosiyasi gərginliyin yenidən yüksəlməsi, mümkün tədarük riskləri ilə bağlı narahatlıqlar və investorların neft təklifinin məhdudlaşa biləcəyi gözləntilərinin güclənməsidir. ]]> cabbar Thu, 23 Jul 2026 09:36:51 +0400 https://intertv.az/index.php?newsid=60969 https://intertv.az/index.php?newsid=60969 ]]>

Azərbaycan bank sektoru 2026-cı ilin ilk yarısını rekord maliyyə nəticələri ilə başa vurub. Bankların ümumi xalis mənfəəti 728,8 milyon manata çataraq ötən ilin eyni dövrü ilə müqayisədə 26 faiz artıb. Ən yüksək mənfəət yenə də ölkənin iri banklarının payına düşüb. Bununla yanaşı, bank sektorunun gəlirlərinin sürətlə artması kredit faizləri, depozit gəlirləri və bank xidmətlərinin qiyməti ilə bağlı sualları da yenidən gündəmə gətirir.

Bu artım daha çox kredit portfelinin genişlənməsi, yüksək faiz gəlirləri, yoxsa digər mənbələr hesabına formalaşıb? Bu mənfəət artımı depozit faizlərinin yüksəlməsinə və ya bank xidmətlərinin ucuzlaşmasına təsir göstərə bilərmi?


Liberal İqtisadçılar Birliyinin sədri Akif Nəsirli mövzu ilə bağlı Musavat.com-a danışıb:

"Bank sektorunun rekord mənfəət əldə etməsi ilk baxışdan iqtisadiyyatın sağlamlığının göstəricisi kimi təqdim olunsa da, bu rəqəmlərin arxasında duran səbəblər ciddi müzakirə mövzusudur. Banklarla yanaşı niyə real sektor - digər qeyri-neft sektoru da analoji nəticəni göstərməyib. Bankların mənfəətinin əsas hissəsi kredit faizlərindən formalaşır. Azərbaycanda istehlak kreditləri üzrə illik faiz dərəcələrinin bir çox hallarda 24-30 faizə qədər yüksəlməsi vətəndaşların maliyyə yükünü əhəmiyyətli dərəcədə artırır. Belə yüksək faizlərlə verilən kreditlər fonunda bankların rekord mənfəət açıqlaması təbii olaraq suallar yaradır".

İqtisadçı əlavə edib ki, əgər banklar rekord gəlir əldə edirlərsə, bunun müsbət təsirini müştərilər də hiss etməlidir:

"Məsələn, depozitlər üzrə faizlər daha cəlbedici ola, kredit faizləri tədricən aşağı salına və ya bank xidmətləri üzrə komissiyalar azaldıla bilər. Əks halda, yaranan mənzərə bankların yüksək gəlirlərinin əsasən bahalı kreditlər və yüksək xidmət haqları hesabına formalaşdığı barədə fikirləri gücləndirir. Bank sektorunun dayanıqlı və gəlirli olması vacibdir. Lakin bu gəlirlilik banklarla müştərilər arasında daha balanslı münasibətlər hesabına təmin edilməlidir. Rekord mənfəət yalnız səhmdarlar üçün deyil, kredit götürənlər və əmanətçilər üçün də real üstünlüklərə çevrilməlidir. Banklar isə əhalini soyur, xidmətlər od bahasınadır, ona görə də onların gəlirləri sürətlə artır. Bu əslində iqtisadi aktivliyi cilovlayan tendensiyadır".


]]> cabbar Fri, 17 Jul 2026 09:35:43 +0400