https://intertv.az/ ru video - InterTv.Az DataLife Engine https://intertv.az/index.php?newsid=60727 https://intertv.az/index.php?newsid=60727 ]]>

6 il əvvəl ABŞ-yə köçən azərbaycanlı aparıcı və aktrisa Tunay Əliyeva paylaşımı ilə diqqət çəkib.

“Qafqazinfo” xəbər verir ki, hazırda Vaşinqtonda yaşayan aparıcı sosial şəbəkə hesabında paylaşım edərək restoranda işlədiyini bildirib.

“Qafqazinfo”nu yeni instaqram səhifəsində izləyin!

“Amerikada 6 ilim tamam oldu. Amma bu 6 ildə səhhətimlə bağlı o qədər əziyyətlər çəkdim ki, nə siz soruşun, nə də mən danışım. O dəhşətli günləri xatırlamaq belə istəmirəm. Buna baxmayaraq, o ağır xəstəliklərlə mübarizə apara-apara işləməli idim. Elə buna görə də bu 6 ildən sonra hələ də maddi baxımdan demək olar ki, eyni nöqtədəyəm. Amma bu gün sağlamam, güclüyəm, ümidlə doluyam və çox xoşbəxtəm. Həftəsonları restoranda işləyirəm və bu fiziki əmək sanki mənə böyük bir həyat məktəbi keçir”.

Aparıcı paylaşımında işindən utanmadığını da vurğulayıb:

“Mənim üçün azad və müstəqil olmaq heç vaxt məsuliyyətsizlik demək olmayıb. Əksinə, azadlıq öz zəhmətinlə yaşamaq, heç kimə yük olmamaq, alın təri ilə qazandığın çörəyi qazanmaq və həyatının məsuliyyətini öz üzərinə götürməkdir.

Əziz gənclər, unutmayın: heç bir halal əmək insanı kiçiltmir. İnsanı kiçildən zəhmətlə qazanılmış çörək deyil. Utanılacaq şeylər tamam başqadır. Məsələn, mənbəyi məlum olmayan, yüz minlərlə dəyəri olan mülklər və ya avtomobillər. Bax, əslində onların sahibi olanlar utanmalıdır. Halal zəhməti ilə yaşayan biz yox”.

Qeyd edək ki, T.Əliyeva uzun müddət Azərbaycanda müxtəlif telekanallarda çalışıb. Eyni zamanda, o aktrisa kimi də fəaliyyət göstərib.

]]> cabbar Mon, 06 Jul 2026 11:23:04 +0400 https://intertv.az/index.php?newsid=60593 https://intertv.az/index.php?newsid=60593 ]]>

Qax Rayon Polis Şöbəsinin əməkdaşları narkotik tərkibli bitkiləri kultivasiya etməkdə şübhəli bilinən, əvvəllər də dəfələrlə məhkum olunmuş 61 yaşlı Həzrətəli Abdullayevi saxlayıblar.

Bu barədə Daxili İşlər Nazirliyi məlumat yayıb.

Bildirilib ki, ondan çay sahilində meşəlik ərazidə əkdiyi çətənə kolları aşkar edilib. Saxlanılan şəxs narkotik tərkibli bitkilərə aqrotexniki qaydada xüsusi qulluq göstərdiyini bildirib. Faktla bağlı cinayət işi başlanılıb, H.Abdullayev barəsində məhkəmənin qərarı ilə həbs qətimkan tədbiri seçilib.

]]> cabbar Mon, 29 Jun 2026 12:46:39 +0400 https://intertv.az/index.php?newsid=60486 https://intertv.az/index.php?newsid=60486 ]]>

İsmayıllı Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsi və kultivasiyası ilə məşğul olan şəxslərə qarşı əməliyyatlar keçirilib.

DİN mətbuat xidmətinin Şəki regional qrupundan verilən xəbərə görə, tədbirlərlə əvvəllər də analoji əmələ görə məhkum olunmuş 44 yaşlı Rəşad Mazanov saxlanılıb. Ondan 10 kiloqram marixuana aşkarlanıb. Araşdırmalarla saxlanılan şəxsin həmin narkotik vasitələri satış məqsədilə meşəlik ərazidə gizlətdiyi müəyyən olunub.

Keçirilən digər əməliyyat zamanı isə narkotik tərkibli bitkilərin kultivasiyası ilə məşğul olan 36 yaşlı Paşa Usubov tutulub. Onun yaşadığı ünvandan 31 ədəd kultivasiya edilərək yetişdirilən çətənə kolu aşkarlanıb.

Faktlarla bağlı cinayət işləri başlanılıb, hər iki şəxs barəsində məhkəmənin qərarı ilə həbs qətimkan tədbiri seçilib.


]]> cabbar Wed, 24 Jun 2026 09:55:14 +0400 https://intertv.az/index.php?newsid=60420 https://intertv.az/index.php?newsid=60420 ]]>

Bakıətrafı qəsəbələrdə yerləşən ev və torpaq sahələrinə olan tələbat kəskin şəkildə artıb.

Əmlak ekspertləri paytaxtda qəzalı binaların sökülməsi prosesinin bu tendensiyaya ciddi təsir etdiyini bildirirlər.

Belə ki, mərkəzdəki söküntülərdən sonra vətəndaşlar daha çox şəhərdən kənar ərazilərdə ev almağa üstünlük verirlər ki, bu da birbaşa qiymətlərə təsir göstərir.

Əmlak eksperti Elnur Fərzəliyevin sözlərinə görə, hazırda Maştağa, Kürdəxanı, Hövsan, Pirşağı, Ramana, Lökbatan və Zığ kimi kənar qəsəbələrdəki ev və torpaq bazarında müəyyən ucuzluq müşahidə olunsa da, aparılan abadlıq işləri fonunda yaxın gələcəkdə qiymət artımı qaçılmaz olacaq.

Ekspert həmçinin qeyd edib ki, söküntü faktorundan əlavə, yay mövsümünün gəlişi ilə əlaqədar bağ evlərinə tələbatın artması da bu qəsəbələrdəki qiymətləri 10-15 faiz civarında bahalaşdıracaq. Lakin payız aylarında bazarda yenidən 5 faizlik bir enişin qeydə alınacağı ehtimal edilir.

Daha ətraflı “Xəzər Xəbər”in reportajında:


]]> cabbar Mon, 22 Jun 2026 16:00:28 +0400 https://intertv.az/index.php?newsid=60396 https://intertv.az/index.php?newsid=60396 ]]>

Daxili işlər naziri general-polkovnik Vilayət Eyvazov iyunun 19-da respublikanın şəhər, rayon polis orqanları və daxili qoşunlarda xidmət etmək arzusunda olan gənclərin növbəti sıra baxışını keçirib.

Bu barədə Daxili İşlər Nazirliyindən (DİN) məlumat verilib.

Bildirilib ki, Bakıda keçirilən sıra baxışında DİN-ə onlayn qaydada müraciət etmiş gənclərdən daha hazırlıqlı olan 158 nəfər seçim turunun növbəti mərhələsinə buraxılıb.

Gənclər qarşısında çıxış edən nazir V.Eyvazov seçim turunun digər mərhələlərindən də uğurla keçərək daxili işlər orqanlarında xidmətə qəbul ediləcək gənclərə gələcək fəaliyyətlərində uğurlar arzulayıb, tapşırıq və tövsiyələrini verib.


]]> cabbar Fri, 19 Jun 2026 12:32:27 +0400 https://intertv.az/index.php?newsid=60377 https://intertv.az/index.php?newsid=60377 ]]>

Şəhərin mərkəzində yerləşən 12 mərtəbəli binanın mansard hissəsində qanunsuz tikinti işlərinin aparıldığı iddia olunur.

Bu şikayətlə Aşıq Molla Cümə küçəsi giriş 3, M12, M2 ünvanında yerləşən "Monolit MTK"ya məxsus yaşayış binasının sakinlərindən biri "Xəzər Xəbər”ə müraciət edib.

Şikayətçinin vəkili Elməddin Məhərrəmov iddiasında bildirib ki, "Monolit” MTK ərazidə yerləşən 4 binanın sakinlərə məxsus olan çardaq və texniki sahəsini qanunsuz olaraq maklerlərdən birinə yeni mənzil inşası üçün satıb. İddialara görə, sakinlərin ümumi istifadəsində olan, yaşayış üçün ayrılmayan texniki sahədə qanunsuz tikinti işləri 5 aydan çoxdur ki, davam etdirilir.

Şikayətçi onu da iddia edir ki, qeyri-yaşayış sahəsində tikilən mənzillər üçün yaxınlıqda yerləşən binalardan qanunsuz qaz xətti çəkilib, eləcə də su, kanalizasiya, elektrik xətləri də aşağı mərtəbələrdə yaşayan qonşuların xəttinə birləşdirilib. Şikayətçinin sözlərinə görə, 4 binada aparılan qanunsuz tikinti işləri barədə aidiyyəti qurumlara müraciət edildikdən sonra 3 binada tikinti dayandırılıb, 1 binada isə tikinti işləri hələ də davam etdirilir.

İddialarda adı çəkilən "Monolit” MTK-ın əməkdaşı aparılan işlərin tam qanuni, layihəyə uyğun və razılaşdırılmış olduğunu bildirib. Tikintinin müvafiq qurumlarla razılaşdırılmış olduğuna dair müvafiq sənədləri isə təqdim etməyəcəkləri bildirilib.

Şirkət mansard hissədə heç bir əlavə tikintinin aparılmadığını bildirsə də, "Xəzər TV"nin əməkdaşları 12-ci mərtəbəyə qalxdığı zaman tikinti işlərinin həyata keçirildiyinin şahidi olub.

Hətta sosial şəbəkələrdə sözügedən binaya məxsus mansard tipli mənzillərin satışı üçün elanlar da həyata keçirilir.

Mansardın sahibi olduğunu iddia edən İlkin Rəhimov "Xəzər TV”yə bildirib ki, aparılan tikinti işləri rəsmi qurumlarla razılaşdırılıb və mənzillərə bütün kommunal sayğaclar da qoyulub.

Məsələ ilə bağlı Fövqəladə Hallar Nazirliyindən bildirilib ki, "Monolit" MTK tərəfindən inşa edilmiş 2 ədəd 12 mərtəbəli yaşayış binasının çardaq və texniki sahəsində əlavə pəncərə oyuqlarının açılması, əlavə mənzillərin tikilməsi barədə sakinlərdən daxil olmuş sikayətlər araşdırılb. Binaların dam hissəsinə baxış keçirilib və qanunsuz, layihədən kənar aparılan tikinti işləri barədə MTK rəhbərliyinə və aidiyyəti qurumlara məktub ünvanlanıb.

Dövlət Şəhərsalma və Arxitektura Komitəsindən isə bildirilib ki, məsələ ilə müvafiq tədbirlər görülməsi üçün aidiyyəti qurumlara müraciət edilib.

]]> cabbar Thu, 18 Jun 2026 13:18:13 +0400 https://intertv.az/index.php?newsid=60337 https://intertv.az/index.php?newsid=60337 ]]>

Xəbər verdiyimiz kimi, tanınmış vəkil, beynəlxalq hüquq üzrə professor Fərhad Mehdiyevə ağır itki üz verib.

“Qafqazinfo”nun məlumatına görə, ötən gün hüquqşünasın qızı Zəhranın idarə etdiyi motosiklet “Mercedes” markalı avtomobillə toqquşub. Bakı-Sumqayıt yolunda baş vermiş qəza zamanı 17 yaşlı Zəhra hadisə yerində həyatını itirib.

Hadisə yerindən görüntüləri təqdim edirik:

]]> cabbar Wed, 17 Jun 2026 09:53:39 +0400 https://intertv.az/index.php?newsid=60247 https://intertv.az/index.php?newsid=60247 ]]>

Evdən 70 min manatlıq qızıl oğurlayan şəxs saxlanılıb.

DİN xəbər verir ki, Nərimanov rayonunda yerləşən evlərin birindən ümumi dəyəri 70 min manat olan qızıl-zinət əşyalarının oğurlanması barədə polisə məlumat daxil olub.

Nərimanov Rayon Polis İdarəsinin 16-cı Polis Şöbəsinin əməkdaşlarının keçirdikləri tədbirlərlə əməli törətməkdə şübhəli bilinən 35 yaşlı Elgüc Məmmədov saxlanılıb.

Araşdırmalar zamanı məlum olub ki, o, zərərçəkənlərin evdə olmadığını öyrəndikdən sonra mənzilə daxil olub. E.Məmmədov oğurluq edəndən sonra isə diqqət çəkməmək üçün ev sahibinə məxsus gödəkçəni geyinərək hadisə yerindən uzaqlaşıb.

Faktla bağlı araşdırma aparılır.





]]> cabbar Thu, 11 Jun 2026 11:44:27 +0400 https://intertv.az/index.php?newsid=60080 https://intertv.az/index.php?newsid=60080 ]]>

Əhmədbəyli–Füzuli–Şuşa avtomobil yolu ödənişli yol kimi artıq istifadədədir.

Bu barədə Azərbaycan Avtomobil Yolları Dövlət Agentliyi (AAYDA) məlumat yayıb.

Bildirilib ki, qanunvericiliyin tələblərinə əsasən, dövlət standartlarına cavab verən ödənişsiz alternativ yolun mövcud olduğu hallarda vətəndaşlara seçim imkanı yaradılmaqla ödənişli avtomobil yolunun istismarı mümkündür. Bu baxımdan, sözügedən marşrut üzrə Zəfər Yolu ödənişsiz alternativ yol funksiyasını yerinə yetirir.

Beləliklə, hərəkət iştirakçıları öz seçimlərindən asılı olaraq həm ödənişli Əhmədbəyli–Füzuli–Şuşa avtomobil yolundan, həm də ödənişsiz alternativ marşrut olan Zəfər Yolundan istifadə edə bilərlər. ]]> cabbar Wed, 03 Jun 2026 11:31:25 +0400 https://intertv.az/index.php?newsid=60013 https://intertv.az/index.php?newsid=60013 ]]>

Böyük zəhmət və əziyyətlə pul yığıb, yaxud bankdan kredit götürüb yeni tikilidən mənzil alırsınız. Lakin illər keçsə də, mənzilinizə çıxarış ala bilmirsiniz. Nəticədə öz evinizdə hüquqi baxımdan sanki qonaq kimi yaşayırsınız.

Baku TV-nin məlumatına görə, söhbət Nəsimi rayonu, 4-cü mikrorayon, Mir Cəlal küçəsi, 34 ünvanında yerləşən "Atlas" MTK-nın inşa etdiyi yaşayış binasından gedir.Sakinlərin sözlərinə görə, bina artıq altı ildən çoxdur istismar olunsa da, mənzillərə çıxarış verilmir. Şikayətçilər bildirirlər ki, mənzilləri alarkən onlara qısa müddət ərzində çıxarışların təqdim olunacağı vəd edilib.

Amma üstündən illər keçməsinə baxmayaraq, bu problem həllini tapmayıb. İddialara görə, binanın layihəsi 16 mərtəbə üçün təsdiqlənsə də, sonradan əlavə iki mərtəbə tikilib. Məhz buna görə bina istismara qəbul olunmur və mənzillərə çıxarış verilmir.

Fövqəladə Hallar Nazirliyindən məsələ ilə bağlı bildirilib ki, sözügedən yaşayış binasının tikintisi "Atlas Plaza" MMC-yə verilmiş icazə əsasında həyata keçirilib. Lakin şirkət razılaşdırılmış layihədən kənara çıxaraq əlavə mərtəbələr inşa etdiyindən istismara hazırlıq aktı rəsmiləşdirilməyib.

Qurumun məlumatına görə, yaşayış binasının mövcud vəziyyəti aidiyyəti dövlət qurumları ilə razılaşdırılmalı, əlavə tikinti ilə bağlı müvafiq icazələr alınmalıdır. Daha sonra binanın istismara qəbul edilməsi məsələsinə baxıla bilər.

]]> cabbar Fri, 29 May 2026 23:06:45 +0400