https://intertv.az/ ru InterTv.Az DataLife Engine https://intertv.az/index.php?newsid=60117 https://intertv.az/index.php?newsid=60117 ]]>

Tarixin elə məqamları olur ki, həmin anlarda imzalanan sənədlər yalnız siyasi razılaşma xarakteri daşımır, bütöv xalqların gələcək taleyini, regionların geosiyasi inkişaf trayektoriyasını və yeni beynəlxalq münasibətlər sisteminin konturlarını müəyyən edir. 2021-ci il iyunun 15-də Azərbaycanın mədəniyyət paytaxtı Şuşada imzalanan “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” məhz belə tarixi sənədlər sırasına daxil olmuşdur.

Bu sözləri aia.az-a verdiyi açıqlamasında Milli Məclisin deputatı Səttar Möhbalıyev deyib.

Fikirlərini davam etdirən millət vəkili bildirib ki, bu sənəd iki qardaş ölkənin münasibətlərində yeni mərhələnin başlanğıcı olmaqla yanaşı, XXI əsrin siyasi xəritəsində mühüm geostrateji hadisə kimi öz yerini tutmuşdur. Şuşa Bəyannaməsi yalnız diplomatik sənəd deyil; o, ortaq tarixin, ortaq mənəvi dəyərlərin, siyasi iradənin və gələcək hədəflərin ifadəsi olan bir siyasi manifestdir. Azərbaycan Respublikasının Prezidenti cənab İlham Əliyevin dediyi kimi: "İmzalanmış Bəyannamə tarixə əsaslanır. Bəyannamədə xalqlarımızın böyük liderləri, öndərləri Mustafa Kamal Atatürkün və Heydər Əliyevin kəlamları öz əksini tapıb. XX əsrin əvvəllərində Mustafa Kamal Atatürk demişdir: “Azərbaycanın sevinci sevincimiz, kədəri kədərimizdir”. XX əsrin sonlarında Heydər Əliyev demişdir: “Türkiyə və Azərbaycan bir millət, iki dövlətdir”. Bu tarixi sözlər, kəlamlar bizim fəaliyyətimiz üçün əsas amildir." Bu sözlər əslində Şuşa Bəyannaməsinin ideoloji fəlsəfəsini açıqlayır. Burada söhbət yalnız dövlətlərarası münasibətlərdən getmir. Burada söhbət eyni kökdən gələn, eyni taleyi bölüşən, eyni dəyərləri yaşadan iki xalqın gələcək yüzillik inkişaf yolundan gedir. Şuşa Bəyannaməsinin imzalanmasının ən mühüm tərəflərindən biri onun məkan seçimidir. Şuşa sıradan bir şəhər deyil. Şuşa Azərbaycan xalqının milli ruhunun, mədəni yaddaşının və tarixi qürurunun simvoludur. Bu şəhərin işğaldan azad edilməsindən qısa müddət sonra məhz burada belə bir sənədin imzalanması mühüm siyasi və mənəvi mesaj idi. Dünyaya nümayiş etdirildi ki, Azərbaycan yalnız ərazi bütövlüyünü bərpa etmədi, eyni zamanda bölgədə yeni siyasi reallıqlar yaratdı. Şuşada imzalanmış sənəd bir həqiqəti də bütün dünyaya bəyan etdi: Azərbaycan–Türkiyə münasibətləri artıq klassik tərəfdaşlıq modelini geridə qoymuşdur. Bu münasibətlər strateji müttəfiqlik səviyyəsinə yüksəlmişdir və hər iki ölkənin milli təhlükəsizlik, iqtisadi inkişaf və regional maraqları vahid strateji platformada birləşmişdir. Bu gün qlobal geosiyasi proseslər sürətlə dəyişir. Yeni güc mərkəzləri formalaşır, siyasi ittifaqlar yenilənir və beynəlxalq münasibətlər sistemi yeni mərhələyə daxil olur. Məhz belə mürəkkəb şəraitdə Şuşa Bəyannaməsi regional təhlükəsizlik və sabitlik modelinə çevrilməkdədir.
Sənədin mühüm xüsusiyyətlərindən biri onun əməkdaşlığın bütün istiqamətlərini əhatə etməsidir. Xarici siyasətin koordinasiyası, beynəlxalq təşkilatlarda qarşılıqlı dəstək, iqtisadi əlaqələrin genişləndirilməsi, enerji təhlükəsizliyi, nəqliyyat-kommunikasiya layihələri, təhsil, elm, mədəniyyət, informasiya siyasəti, diaspor fəaliyyəti və müdafiə sənayesi sahələri vahid inkişaf konsepsiyası çərçivəsində birləşdirilmişdir. Xüsusilə iqtisadi əməkdaşlıq sahəsində yeni mərhələnin başlanması diqqəti cəlb edir. Şuşa Bəyannaməsi iki dövlət arasında iqtisadi inteqrasiyanın daha da dərinləşdirilməsinə, qarşılıqlı investisiyaların artırılmasına və yeni iqtisadi münasibətlərin formalaşdırılmasına mühüm təkan verir. Qarabağ və Şərqi Zəngəzurda həyata keçirilən genişmiqyaslı bərpa və quruculuq işləri bu əməkdaşlığın praktik nəticələrindən biridir.

Millət vəkili onu da bildirib ki, işğaldan azad edilmiş ərazilərdə müasir şəhərlərin və kəndlərin yaradılması, ağıllı infrastruktur sistemlərinin qurulması, yeni sənaye və logistika mərkəzlərinin formalaşdırılması gələcəkdə regionun iqtisadi inkişaf xəritəsini tamamilə dəyişə bilər. Şuşa Bəyannaməsinin geosiyasi perspektivlərini müəyyən edən ən mühüm istiqamətlərdən biri də Zəngəzur dəhlizidir. Bu layihə sadəcə nəqliyyat xətti deyil. Bu, böyük iqtisadi və siyasi məna daşıyan yeni strateji körpüdür. Zəngəzur dəhlizi Azərbaycanı Türkiyə ilə birləşdirərək bütövlükdə Türk dünyasının iqtisadi və nəqliyyat inteqrasiyasına yeni nəfəs verəcəkdir. Şərqdən Qərbə uzanan yeni kommunikasiya sistemi ticarət marşrutlarını genişləndirəcək, regionun tranzit potensialını artıracaq və yeni investisiya imkanları yaradacaqdır. Müdafiə və təhlükəsizlik məsələləri də sənədin mühüm sütunlarından biridir. İkinci Qarabağ müharibəsi müasir hərbi texnologiyaların və strateji koordinasiyanın əhəmiyyətini açıq şəkildə göstərdi. Müharibə dövründə əldə edilmiş təcrübə müdafiə sənayesi əməkdaşlığının yeni mərhələsini formalaşdırdı. Bu gün Azərbaycan və Türkiyə silahlı qüvvələrinin müasir standartlara uyğun inkişaf etdirilməsi, müdafiə sənayesi sahəsində birgə istehsal layihələri, müasir texnologiyaların tətbiqi və hərbi təhlükəsizlik sistemlərinin təkmilləşdirilməsi istiqamətində böyük addımlar atılır. Şuşa Bəyannaməsi eyni zamanda Ermənistanda revanşist düşüncədə olan qüvvələrə də aydın mesajdır. Bu sənəd göstərdi ki, bölgədə yeni reallıqlar formalaşıb və bu reallıqlar artıq siyasi, hüquqi və strateji zəmin üzərində möhkəmlənib. Cənab Prezident İlham Əliyevin digər mühüm fikri bu sənədin gələcək tarixi rolunu dəqiq ifadə edir: "Birgə Bəyannamədə tarixi Qars müqaviləsinə istinad edilir. Tarixi Qars müqaviləsi düz yüz il bundan əvvəl imzalanmışdır. Bu da böyük rəmzi məna daşıyır. Yüz ildən sonra azad edilmiş Şuşa şəhərində müttəfiqlik haqqında imzalanan Birgə Bəyannamə bizim gələcək iş birliyimizin istiqamətini göstərir." Artıq heç bir şübhə yoxdur ki, Şuşada imzalanmış bu sənəd yalnız Azərbaycan və Türkiyənin münasibətlərinin gələcəyini müəyyənləşdirmir. Şuşa Bəyannaməsi yeni geosiyasi düzənin, Türk dünyasının güclənən birliyinin, regional sabitliyin və gələcək inkişaf strategiyasının siyasi xəritəsinə çevrilməkdədir.
Tarix bəzən şəhərlərdə deyil, siyasi iradələrdə yazılır. 2021-ci il iyunun 15-də isə tarix həm Şuşada, həm də Azərbaycan–Türkiyə qardaşlığının sarsılmaz iradəsində yazıldı. Bu tarix gələcək nəsillərə bir daha göstərdi ki, "Bir millət, iki dövlət" ideyası artıq yalnız siyasi şüar deyil, bütöv bir regionun gələcəyini müəyyən edən strateji reallıqdır-deyə Səttar Möhbalıyev fikirlərini yekunlaşdırıb. ]]> cabbar Thu, 04 Jun 2026 21:41:53 +0400 https://intertv.az/index.php?newsid=60116 https://intertv.az/index.php?newsid=60116 ]]>

Milli Məclisin deputatı Səttar Möhbalıyev 4 iyun 2026-cı il tarixində Babək rayonundan olan seçicilərlə növbəti görüşünü keçirib.

aia.az xəbər verir ki, qəbul rayonun Məzrə kəndində baş tutub.

Tədbirin gedişində vətəndaşları narahat edən sosial yönümlü məsələlər və şəxsi müraciətlər müzakirə olunub. Səttar Möhbalıyev sakinlər tərəfindən qaldırılan sosial yönümlü məsələləri və şəxsi müraciətlərin bəzilərini elə yerindəcə həll edib, Digər məsələlər isə qeydə alınıb, onların həlli məqsədilə müvafiq qurumlar qarşısında məsələ qaldırılacağı və təxirəsalınmaz tədbirlərin görüləcəyi bildirilib.

Deputat Səttar Möhbalıyev keçirdiyi görüşdə iştirak edən Məzrə kənd sakinləri, eləcə də rayon ictimaiyyətinin nümayəndələri görüşdən məmnunluqlarını ifadə ediblər, ölkəmizin Prezidenti cənab İlham Əliyevə və Birinci vitse-prezident Mehriban xanım Əliyevaya Naxçıvanın Babək rayonuna göstərilən diqqət və qayğıya görə minnətdarlıqlarını bildiriblər.

]]> cabbar Thu, 04 Jun 2026 16:49:03 +0400 https://intertv.az/index.php?newsid=60108 https://intertv.az/index.php?newsid=60108 ]]>

May ayında Azərbaycanın dövlət sərhədini pоzduqlarına görə 20 nəfər saxlanılıb.

Bu barədə Musavat.com-a Dövlət Sərhəd Xidmətinin Mətbuat Mərkəzindən məlumat verilib.

Bildirilib ki, onların 7-si İran, 3-ü Azərbaycan, 2-si Mərakeş, 2-si Nigeriya, 2-si Əlcəzair, 1-i Əfqanıstan, 1-i Türkiyə, 1-i Hindistan, 1-i Pakistan vətəndaşı оlub.

Qanunsuz miqrasiya ilə mübarizə tədbirləri nəticəsində saxtalaşdırılmış tarix möhürü və pasportla, özgəsinə məxsus sənədlə dövlət sərhədini keçməyə cəhd göstərən 9 nəfər saxlanılıb.

Sərhəd rеjim qaydalarını pоzduqlarına görə 211 nəfər saxlanılaraq barələrində müvafiq tədbirlər görülüb.

Cinayətkarlığa qarşı mübarizə tədbirləri nəticəsində hüquq-mühafizə оrqanları tərəfindən axtarışda оlan 316 nəfər saxlanılaraq aidiyyəti оrqanlara təhvil vеrilib, ölkədən çıxışı qadağan edilən 831 nəfərin ölkəni tərk etməsinin, girişi qadağan olan 8 nəfərin isə ölkəyə daxil olmasının qarşısı alınıb.

Narkоtik vasitələrin qеyri-qanuni dövriyyəsinə qarşı mübarizə tədbirləri nəticəsində 319 kiloqram 182 qram narkоtik vasitə və 7338 ədəd müxtəlif tərkibli həb aşkarlanaraq dövriyyədən çıxarılıb.

Sərhədçilərin qanuni tələblərinə məhəl qoymayan 1 (bir) nəfər sərhəd pozucusuna qarşı “Dövlət sərhədi haqqında” qanunun tələblərinə uyğun olaraq silah tətbiq olunub. Yaralıya ilkin tibbi yardım göstərilərək ixtisaslaşmış tibb müəssisəsinə təxliyəsi təmin edilib, lakin həkimlərin səyinə baxmayaraq həyatını xilas etmək mümkün olmayıb.

1 halda narkotiklərin pilotsuz uçuş aparatı vasitəsilə ölkə ərazisinə keçirilməsinin qarşısı alınıb.

Qaçaqmalçılıq fəaliyyətinə qarşı mübarizə tədbirləri nəticəsində ümumi dəyəri 5 milyon 609 min 617 manat оlan qaçaqmal, о cümlədən ABŞ valyutası, spirtli içkilər, dərman vasitələri və tütün məmulatları aşkar olunaraq götürülüb. ]]> cabbar Thu, 04 Jun 2026 16:00:10 +0400 https://intertv.az/index.php?newsid=60115 https://intertv.az/index.php?newsid=60115 ]]>

Respublika Perinatal Mərkəzində 7 körpənin ölümünə səbəb olan yanğınla bağlı məhkəmə araşdırması başa çatıb.

“Bu dəqiqələrdə Bakı Ağır Cinayətlər Məhkəməsində hökm oxunub.

Leyla Əsgərova-Məmmədovanın sədrlik etdiyi məhkəmə kollegiyası yekunda nəticəyə gəlib ki, təqsirləndirilən şəxslərə verilmiş ittihamlar əsaslıdır, çoxsaylı dəlil-sübutlar, həmçinin şahid ifadələri ilə təsdiqini tapıb.

Hökmə əsasən, Perinatal Mərkəzin rəhbəri olmuş Mehriban Abasquliyeva 7 il 3 ay müddətinə azadlıqdan məhrum olunub. Bu günə kimi azadlıqda olan Abasquliyeva elə məhkəmə zalında həbs edilib.

***

Hamlet Mustafayev 5 il 8 ay, Elnur Əhmədli isə 5 il 2 ay müddətinə azadlıqdan məhrum ediliblər. Onlar da məhkəmə salonunda qandallanıblar.​

Xatırladaq ki, Respublika Perinatal Mərkəzindəki yanğın 2024-cü ilin yanvarında baş verib. Hadisə ilə bağlı Baş Prokurorluğun İstintaq İdarəsində ibtidai istintaq aparılıb. Toplanmış sübutlar əsasında Mərkəzin direktoru M.Abasquliyeva, Anesteziologiya, reanimasiya və intensiv terapiya şöbəsinin müdiri Hamlet Mustafayev və Dəstək Xidmətləri şöbəsinin müdiri Elnur Əhmədli cinayət məsuliyyətinə cəlb edilib. Onlara qarşı Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə) və 225.3-cü (yanğın təhlükəsizliyi qaydalarını pozma ehtiyatsızlıqdan iki və daha çox şəxsin ölümünə səbəb olduqda) maddələri ilə yekun ittiham verilib.Qafqazinfo ]]> cabbar Thu, 04 Jun 2026 15:42:25 +0400 https://intertv.az/index.php?newsid=60109 https://intertv.az/index.php?newsid=60109 ]]>

ABŞ Azərbaycanın enerji sektoruna investisiyaların genişləndirilməsini və infrastruktur layihələrində, o cümlədən TRIPP (Trampın Beynəlxalq Sülh və Rifaha Doğru Yolu) ilə bağlı təşəbbüslərdə iştirakı müzakirə edir. Musavat.com bildirir ki, bu barədə ABŞ Dövlət Katibinin İqtisadiyyat, Enerji və Biznes Məsələləri üzrə köməkçisi Keleb Orr bildirib. Onun sözlərinə görə, ABŞ enerji sektoruna konkret investisiyalar qoymağı planlaşdırır. “Bu iqtisadi dialoqun məqsədi iqtisadi təkliflərimizi birləşdirmək, icra planı hazırlamaq və konkret nəticələr əldə etməkdir. Nəticədə, sülh iqtisadi rifahda ortaq maraqlar əsasında qurulur”.
Azərbaycan və Ermənistan arasında yekun sülh sazişinin imzalanması istiqamətində aparılan danışıqlar fonunda ABŞ-ın regiona iqtisadi marağının artması diqqət çəkir. Vaşinqton uzun müddətdir ki, Cənubi Qafqazda sabitliyin təmin olunmasının iqtisadi layihələr üçün yeni imkanlar açacağını vurğulayır. ABŞ rəsmiləri dəfələrlə bəyan ediblər ki, Bakı ilə İrəvan arasında sülhün əldə olunması Mərkəzi Asiyanı Aralıq dənizi və Avropa bazarları ilə birləşdirən yeni ticarət və nəqliyyat marşrutlarının inkişafına təkan verə bilər.

Bu baxımdan, ABŞ-ın investisiya marağının sülh sazişindən əvvəl görünməsi təsadüfi deyil. Vaşinqton regionda təhlükəsizlik və iqtisadi inteqrasiyanın paralel şəkildə inkişaf etməsini istəyir. ABŞ üçün əsas məqsədlərdən biri Orta Dəhlizin gücləndirilməsi, enerji və logistika layihələrinin genişləndirilməsi, həmçinin Cənubi Qafqazın qlobal ticarət zəncirində rolunun artırılmasıdır.
Ekspertlər hesab edirlər ki, böyük investisiyalar çox zaman siyasi razılaşmaları sürətləndirən amillərdən biri olur. Xarici kapitalın cəlbi yeni iş yerləri, infrastruktur layihələri və regional əməkdaşlıq imkanları yaradır. Bu səbəbdən ABŞ şirkətlərinin və maliyyə institutlarının regiona marağı həm iqtisadi, həm də geosiyasi məna daşıyır. Digər tərəfdən, Vaşinqton anlayır ki, sülh olmadan iri investisiya layihələrinin təhlükəsizliyi tam təmin edilə bilməz. Məhz buna görə ABŞ rəsmiləri son illərdə Azərbaycan və Ermənistan arasında sülh prosesinin tezliklə yekunlaşmasının vacibliyini xüsusi vurğulayıblar.
Beləliklə, ABŞ-ın sülhdən əvvəl investisiya marağı əslində gələcək dövrə hazırlıq kimi qiymətləndirilə bilər. Vaşinqton regionda sabitliyin bərqərar olacağı təqdirdə Cənubi Qafqazı Avrasiya ticarətinin əsas qovşaqlarından birinə çevirmək niyyətini gizlətmir. Bu isə Azərbaycan üçün əlavə sərmayə, yeni nəqliyyat layihələri və beynəlxalq iqtisadi çəkisinin artması demək ola bilər.

Siyasi və Hüquqi Araşdırmalar Mərkəzinin rəhbəri Xəyal Bəşirovun bildirdiyinə görə, Bayden administrasiyasından fərqli olaraq, Tramp hökuməti Cənubi Qafqaza münasibətdə ədalətli yanaşmağa çalışır. Keçmiş iqtidarın aşkar ermənipərəst olduğunu xatırladan X.Bəşirova görə, indiki ABŞ hakimiyyəti balansı gözləməyə üstünlük verir: "Tramp hökuməti Cənubi Qafqaz siyasətində sanki Gürcüstanı bir o qədər prioritet saymır. Açığı, Tiflislə təmasları müşahidə etmirəm. Görünür ki, ABŞ üçün bölgədə əsas açar Azərbaycan və Ermənistan məsələləridir. Çünki münaqişə vəziyyətində olan ölkələrin barışığı, dayanıqlı sülh həm də investisiyaların yatırılmasına ən böyük zəmanətdir. Əgər Bakı və İrəvan anlaşırsa, Tiflislə bağlı narahatlıq qalmır, çünki tranzit ölkədir - o səbəbdən, sabitlik olan məkana əminliklə investisiya qoymaq olar. ABŞ isə investisiya qoyduğu bölgədə münaqişə, konflikt, qeyri-sabitlik, hərbi eskalasiya əleyhinədir. Odur ki, Rubionun köməkçisinin açıqlaması Vaşinqtonun regionla bağlı ümumi planlarını ifadə edir".
Siyasi şərhçi istisna etmir ki, Rusiya ABŞ-nin və bütövlükdə Qərbin regiondakı maraqlarının reallaşmasına siyasi-iqtisadi və diplomatik yollarla mane olmağa çalışacaq: "Amma Rusiya əvvəlki deyil və özünün keçmiş təsir zonasına nüfuz edə bilmir. Bu, regional proseslərdə güc itkisindən irəli gəlir. Müharibə Rusiyanı zəiflətdikcə, ABŞ və Avropa Birliyi fürsət bilib MDB məkanında təsirini artırır. Qarşıdakı dövrdə ABŞ Azərbaycan və Ermənistanla əlaqələri daha da genişləndirəcək. Artıq regiona Gürcüstan üzərindən giriş siyasəti yoxdur. Bunu Saakaşvili dövründə sınaqdan keçirdilər. Tramp hökuməti isə Azərbaycan və Ermənistandan Cənubi Qafqaza nüfuz edir". ]]> cabbar Thu, 04 Jun 2026 15:30:22 +0400 https://intertv.az/index.php?newsid=60113 https://intertv.az/index.php?newsid=60113 ]]>

Azərbaycanda sabah 32 dərəcə isti gözlənilir.

Bu barədə Milli Hidrometeorologiya Xidməti məlumat yayıb.

Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə bəzi yerlərdə duman olacaq. Şimal-şərq küləyi gündüz cənub-şərq küləyi ilə əvəz olunacaq.

Havanın temperaturu gecə 15-18° isti, gündüz 24-29° isti olacaq. Atmosfer təzyiqi 762 mm civə sütunu, nisbi rütubət isə gecə 60-65 %, gündüz 45-50 % olacaq.

Azərbaycanın əksər rayonlarında havanın əsasən yağmursuz keçəcəyi, lakin bəzi dağlıq və dağətəyi rayonlarda arabir yağıntılı olacağı gözlənilir. Ayrı-ayrı yerlərdə qısamüddətli intensivləşəcəyi, şimşək çaxacağı, dolu düşəcəyi ehtimalı var. Gecə və səhər bəzi yerlərdə duman olacaq. Şərq küləyi əsəcək.

Havanın temperaturu gecə 15-19° isti, gündüz 27-32° isti, dağlarda gecə 7-12° isti, gündüz 15-19°, bəzi yerlərdə 21-25° isti olacaq. ]]> cabbar Thu, 04 Jun 2026 14:22:28 +0400 https://intertv.az/index.php?newsid=60114 https://intertv.az/index.php?newsid=60114 ]]>

İsveçrənin Cenevrə şəhərində Beynəlxalq Əmək Təşkilatına (BƏT) üzv ölkələrin hökumət nümayəndələrinin və sosial tərəfdaşlarının iştirakı ilə keçirilən Beynəlxalq Əmək Konfransının 114-cü sessiyası davam edir.

Sessiyada çıxış edən Azərbaycan Həmkarlar İttifaqları Konfederasiyasının (AHİK) sədri Sahib Məmmədov bildirib ki, əmək hüquqlarının qorunması, əməyin mühafizəsi və layiqli əmək şəraitinin təmin edilməsi Azərbaycan Respublikasının Prezidenti cənab İlham Əliyevin rəhbərliyi ilə həyata keçirilən sosial-iqtisadi siyasətin əsas prioritet istiqamətlərindəndir. Onun sözlərinə görə, bu siyasətin tərkib hissəsi kimi, ölkədə əmək hüquqlarının etibarlı müdafiəsinin təmin olunması məqsədilə sistemli və məqsədyönlü tədbirlər görülür, normativ-hüquqi baza ardıcıl şəkildə təkmilləşdirilir, beynəlxalq əmək standartlarının tətbiqi genişləndirilir.

Konfederasiya sədri qeyd edib ki, sözügedən prioritetlər həmkarlar ittifaqlarının fəaliyyət istiqamətləri ilə tam uzlaşır. O, AHİK-in əmək münasibətlərinin tənzimlənməsi, işçilərin sosial-iqtisadi hüquqlarının müdafiəsi və sosial tərəfdaşlığın inkişafı sahəsində həyata keçirdiyi fəaliyyət barədə iştirakçılara ətraflı məlumat verib.

Bildirilib ki, yeni imzalanmış 2026-2028-ci illər üçün Baş Kollektiv Saziş hökumət, işəgötürənlər və həmkarlar ittifaqları arasında sosial-iqtisadi və əmək münasibətləri sahəsində qarşılıqlı öhdəlikləri, razılaşdırılmış mövqeləri və birgə fəaliyyət istiqamətlərini müəyyən edən mühüm sənəddir.
Sahib Məmmədov vurğulayıb ki, AHİK-in Əməyin Mühafizəsi və Hüquqi Yardım Mərkəzi tərəfindən həm həmkarlar ittifaqları üzvlərinə, həm də üzv olmayan şəxslərə əmək hüquqları ilə bağlı ödənişsiz hüquqi məsləhət xidmətləri göstərilir. Eyni zamanda Konfederasiya Azərbaycan ilə BƏT arasında imzalanmış “2025–2029-cu illər üçün Layiqli Əmək üzrə Ölkə Proqramı”nın icrasında fəal iştirak edir və əmək hüquqlarının müdafiəsi, sosial dialoqun inkişafı və layiqli əməyin təşviqi istiqamətində həyata keçirilən tədbirlərə töhfə verir.

Gender bərabərliyi sahəsində görülən işlərdən bəhs edən Konfederasiya sədri qadınların idarəetmə və qərarqəbuletmə proseslərində iştirakının artırılması, iş yerlərində bərabər imkanların yaradılması və inklüziv əmək mühitinin təşviqi istiqamətində ardıcıl fəaliyyət həyata keçirildiyini diqqətə çatdırıb. O bildirib ki, AHİK-də bu istiqamət üzrə müvafiq struktur bölmənin yaradılması gender məsələlərinə institusional yanaşmanın gücləndirilməsinə və “Azərbaycan Respublikasında gender bərabərliyi üzrə Milli Fəaliyyət Planı”nın icrasına mühüm dəstək verir.

Çıxış zamanı sosial dialoqun inkişafı, Sosial-İqtisadi Məsələlər üzrə Milli Üçtərəfli Komissiya çərçivəsində əməkdaşlığın genişləndirilməsi, BƏT-in 187 saylı Konvensiyasının ratifikasiyası, eləcə də əmək qanunvericiliyinin beynəlxalq standartlara uyğunlaşdırılması istiqamətində görülən işlər barədə də məlumat verilib. Sahib Məmmədov bu tədbirlərin əmək münasibətlərinin daha səmərəli tənzimlənməsinə, işçilərin hüquqlarının müdafiəsinin gücləndirilməsinə və sosial tərəfdaşlığın inkişafına xidmət etdiyini vurğulayıb.
]]> cabbar Thu, 04 Jun 2026 13:38:21 +0400 https://intertv.az/index.php?newsid=60112 https://intertv.az/index.php?newsid=60112 ]]>

Avtonom nəqliyyat vasitələrinin hərəkətinə dair tələblər müəyyənləşir.

Bu məsələ Milli Məclisin İqtisadi siyasət, sənaye və sahibkarlıq komitəsinin bugünkü iclasında müzakirəyə çıxarılan "Yol hərəkəti haqqında" Qanuna təklif edilən dəyişiklik layihəsində əksini tapıb.

Layihədə qeyd olunub ki, sözügedən nəqliyyat vasitəsi digər qanunverici aktlarda müəyyən edilmiş tələblərə cavab verdiyi təqdirdə, o cümlədən dövlət qeydiyyatına alındıqdan sonra yol hərəkətində iştiraka buraxılacaq.

Bildirilir ki, avtonom nəqliyyat vasitəsi yalnız müvafiq icra hakimiyyəti orqanının müəyyən etdiyi orqan (qurum) tərəfindən müvafiq icra hakimiyyəti orqanının müəyyən etdiyi orqanla (qurumla) razılaşdırılmaqla müəyyən edilən ərazidə və avtomobil yolunda hərəkət edə biləcək.
Həmçinin layihədə vurğulanır ki, avtonom nəqliyyat vasitələrinin avtomatlaşdırılmış idarəetmə sistemləri həmin sistemlərin fəaliyyətinə nəzarətin həyata keçirilməsi məqsədilə müvafiq icra hakimiyyəti orqanının müəyyən etdiyi orqan (qurum) tərəfindən yaradılan idarəetməyə nəzarət mərkəzi ilə inteqrasiya edilməlidir.

İdarəetməyə nəzarət mərkəzinin vəzifələri isə aşağıdakılardır:
- avtonom nəqliyyat vasitələrinin hərəkətinin monitorinqinin və təhlilinin aparılması (fərdi məlumatların mühafizəsi ilə bağlı normativ hüquqi aktların tələblərinə riayət edilməsi, o cümlədən anonimliyin və konfidensiallığın təmini şərtilə);
- avtonom nəqliyyat vasitələrinin istismarı ilə əlaqədar formalaşan məlumatların saxlanılmasının təmin edilməsi;
- aşağıdakı hallarda avtonom nəqliyyat vasitələrinin yol hərəkətindən kənarlaşdırılması ilə bağlı tədbirlərin görülməsi:
- avtonom nəqliyyat vasitəsində və ya onun avtomatlaşdırılmış idarəetmə sistemində nasazlıq müəyyən edildikdə;
- avtonom nəqliyyat vasitəsinin bu Qanunun 46-3-cü maddəsinin II hissəsində müəyyən edilmiş ərazi və ya avtomobil yolundan kənara çıxması halları müəyyən edildikdə;
- yol hərəkəti şəraitinin avtonom nəqliyyat vasitəsinin istismarına təhlükə yaratdıqda.

Bundan əlavə olaraq avtonom nəqliyyat vasitələrini digər nəqliyyat vasitələrindən fərlqəndirmək məqsədi ilə "Yol hərəkəti haqqında" Qanuna məlumatverici-göstərici nişanlarla bağlı dəyişiklik təklif olunur.

Mövcud qanunvericiliyə görə, məlumatverici nişanlar düzbucaq formasında olur, sürücülərin və hərəkətin digər iştirakçılarını yolun vəziyyətinin xüsusiyyətləri, yaşayış məntəqələrinin adları, onların keçmə qaydaları, küçələrin və yolların ayrı-ayrı sahələrində hərəkət rejiminin müəyyənləşdirilməsi üçün nəzərdə tutulub. Bu qrup nişanların müxtəlif fonları vardır. Yaşıl fon avtomagistral, göy fon bütün başqa avtomobil yolları deməkdir.
Layihədə isə təklif olunur ki, göy fon avtomagistral və bütün avtomobil yollarını ifadə etsin. ]]> cabbar Thu, 04 Jun 2026 13:30:01 +0400 https://intertv.az/index.php?newsid=60111 https://intertv.az/index.php?newsid=60111 ]]>

Azərbaycanda yeni dövlət rüsumu müəyyənləşir.

Bu məsələ Milli Məclisin İqtisadi siyasət, sənaye və sahibkarlıq komitəsinin bugünkü iclasında müzakirəyə çıxarılan “Dövlət rüsumu haqqında” Qanuna təklif edilən dəyişiklik layihəsində əksini tapıb.

Layihəyə əsasən, avtonom nəqliyyat vasitəsinin operatoru yalnız şəhadətnamə aldıqdan sonra fəaliyyət göstərə bilər.

Məhz bu çərçivədə avtonom nəqliyyat vasitəsinin operatoruna şəhadətnamənin verilməsinə görə tutulan dövlət rüsumunun dərəcəsi də müəyyənləşir.
Belə ki, şəhadətnamə almaq istəyən şəxs 20 manat məbləğində rüsun ödəməlidir.

Qeyd edək ki, şəhadətnamə 5 illik veriləcək. ]]> cabbar Thu, 04 Jun 2026 13:25:53 +0400 https://intertv.az/index.php?newsid=60110 https://intertv.az/index.php?newsid=60110 ]]>

Azərbaycanda boşandıqdan sonra yenidən eyni şəxslə ailə quran cütlüklərin sayı məlum olub.

Bu barədə Milli.az-a Ədliyyə Nazirliyindən məlumat verilib.

Belə ki, 2025-ci ildə ümumilikdə 1008 nəfər əvvəllər nikahda olduğu və sonradan boşandığı şəxslə yenidən nikaha daxil olub. ]]> cabbar Thu, 04 Jun 2026 13:22:09 +0400