https://intertv.az/ ru InterTv.Az DataLife Engine https://intertv.az/index.php?newsid=61369 https://intertv.az/index.php?newsid=61369 ]]>

5 Avqust – Azərbaycan Hərbi Donanması Günüdür.

Azərbaycan Hərbi Donanması 1919-cu ildə Azərbaycan Xalq Cumhuriyyəti dövründə yaradılıb.

Belə ki, 1919-cu ilin yayında ingilislər Bakını tərk edərkən şəhər limanının idarəçiliyini və hərbi gəmilərin bir hissəsini Azərbaycan hökumətinə təhvil verdilər. Bu gəmilərin əsasında Azərbaycan Xəzər Hərbi Dəniz Donanması təşkil edildi. Azərbaycan hökumətinin bu tədbiri ölkənin dəniz sərhədlərinin qorunmasında mühüm addım oldu.

1919-cu ilin sonlarında general İbrahim ağa Usubovun başçılıq etdiyi Azərbaycan hərbi missiyası donanma üçün xaricdən 6 birtoplu qırıcı kater, 12 qırıcı kater, 6 sualtı qayıq, 92 gəmi topu, 10 sahil topu, simsiz teleqraf qurğuları və s. aldı.

Azərbaycan Hökuməti Rusiya donanmasının admiralı, Şimal qütbünə ekspedisiyanın iştirakçısı, türk əsilli İslamovu milli donanmanın yaradılması işinə kömək göstərmək üçün 1919-cu ilin yayında Azərbaycana dəvət etdi. "Astrabad", "Qars" və "Ərdəhan" hərb gəmilərinin komandirliyi azərbaycanlı kapitanlara tapşırıldı.

Hərbi donanmanın maddi-texniki bazasının və kadr təminatının gücləndirilməsi planları aprel işğalı nəticəsində həyata keçirilməmiş qaldı. Az sonra bolşeviklərin gəlişi ilə Azərbaycan hərbi donanması ləğv olundu.

SSRİ dağıldıqdan sonra Azərbaycanda da hərbi-dəniz donanmasının təşkilinə şərait yarandı.

1992-ci il aprelin 7-də Azərbaycan Respublikası Hərbi Dəniz Qüvvələri Qərargahı, mühafizə və təminat rotası yaradıldı. Xəzər Hərbi Dəniz Donanmasının 25 %-i və Ali Hərbi Dənizçilik Məktəbi Azərbaycan Respublikasının ixtiyarına verildi.

1992-ci il iyunun 26-da "Bakılı" keşikçi gəmisində Azərbaycan Respublikasının dövlət bayrağı qaldırıldı.

Nazirlər Kabinetinin 1996-cı il 15 iyul tarixli qərarı ilə Bakı Dəniz Yolları Məktəbinin bazasında Azərbaycan təhsilinin yeni istiqaməti kimi ali təhsilli dənizçi kadrlar hazırlayan Azərbaycan Dövlət Dəniz Akademiyası yaradıldı.

Ümummilli Lider Heydər Əliyevin 1996-cı ildə imzaladığı Fərmana əsasən hər il avqustun 5-i ölkədə Hərbi Donanma Günü kimi qeyd olunur. ]]> cabbar Wed, 05 Aug 2026 09:00:25 +0400 https://intertv.az/index.php?newsid=61368 https://intertv.az/index.php?newsid=61368 ]]>

Azərbaycan xarici işlər naziri Ceyhun Bayramov bu gün İsveçrənin Federal Şurasının üzvü və Federal Xarici İşlər Departamentinin rəhbəri, ATƏT-in fəaliyyətdə olan sədri İqnasio Kassisi qarşılayıb.

Bununla bağlı XİN-in “X” hesabında paylaşım edilib.

Daha sonra isə Bayramovla Kassis arasında təkbətək görüş başlayıb.

]]> cabbar Tue, 04 Aug 2026 12:17:46 +0400 https://intertv.az/index.php?newsid=61367 https://intertv.az/index.php?newsid=61367 ]]>

Ali Hərbi Şura (YAŞ) bu gün Beştəpədə Türkiyə Prezidenti Rəcəb Tayyib Ərdoğanın sədrliyi ilə toplanacaq.
Prezident Ərdoğanın sədrliyi ilə keçiriləcək YAŞ iclasında 332 generalın gələcək əaliyyət taleyini müəyyən edəcək qərarlar veriləcək.
Bəzi generalların, admiralların rütbəsi və vəzifəsi yüksəldiləcək, bir çox polkovnikə general rütbəsi veriləcək, bir qisminin vəzifələri dəyişdiriləcək, bəziləri isə vəzifəsindən azad edilərək təqaüdə göndəriləcək.

Prezident Ərdoğanın sədrliyi ilə keçiriləcək görüşdə ilk dəfə olaraq ədliyyə naziri Akın Gürlek, daxili işlər naziri Mustafa Çiftçi və Quru Qoşunları Komandanı general Metin Tokel iştirak edəcək.

Ali Hərbi Şuranın qərarları Prezident Ərdoğan tərəfindən təsdiqləndikdən sonra ictimaiyyətlə paylaşılacaq.
Ötən il vəzifəyə başlayan Baş Qərargah rəisi general Bayraktaroğlu və Quru Qoşunları Komandanı general Tokelin səlahiyyət müddəti hələ də davam edir.

Səlahiyyət müddəti bitməkdə olan Hərbi Dəniz Qüvvələri Komandanı Admiral Ərcümənt Tatlıoğlu və Hərbi Hava Qüvvələri Komandanı general Ziya Cemal Kadıoğlunun səlahiyyət müddətlərinin uzadılması gözlənilir.

Əgər onlar təqaüdə çıxsalar, Dəniz Qüvvələri Komandanlığına hazırkı Dəniz Qüvvələri Komandanı Admiral Kadir Yıldız və Hərbi Hava Qüvvələri Komandanlığına hazırkı Hərbi Hava

Qüvvələri Komandanı general Rafet Dalkıran daxildir.
Quru Qoşunları Komandanlığından general-leytenant Zorlu Topaloğlunun və Hərbi Hava Qüvvələri Komandanlığından general-leytenant İsmail Günaydın, Ərdoğan Gür və İsmail Ünerin daha yüksək rütbəyə yüksəldilməsi Ali Hərbi Şuranın iclasında qiymətləndiriləcək. ]]> cabbar Tue, 04 Aug 2026 11:50:36 +0400 https://intertv.az/index.php?newsid=61366 https://intertv.az/index.php?newsid=61366 ]]>

Ukrayna Silahlı Qüvvələrirnin Moskva və Leninqrad vilayətindəki Wildberries anbarlaırna hücumu nəticəsində çox sayda adam ölüb və yaralanıb.
Moskva vilayətinin qubernatoru Andrey Vorobyovun verdiyi məlumata görə, Çexov şəhərindəki Novoselki sənaye zonasında dron hücumu nəticəsində 5 nəfər ölüb, 6 nəfər yaralanıb.

Leninqrad vilayətində yerləşən Wildberries anbarına dron hücumu nəticəsində yanğın baş verib. İşçilər təxliyə edilib. İlkin məlumatlara görə, xəsarət alan olmayıb.
Rusiya Müdafiə Nazirliyi də cavab olaraq Ukrayna Silahlı Qüvvələrinin dörd yük gəmisinə zərbələr endirildiyini bildirib.

Avqustun 3-ü axşamı Rusiya silahlı qüvvələri dörd quru yük gəmisini vurub. Rusiya Müdafiə Nazirliyinin məlumatına görə, bu gəmilər Ukrayna Silahlı Qüvvələri üçün nəzərdə tutulmuş hərbi yük daşıyırdı.

Rusiya Nazirliyinin mətbuat açıqlamasına görə, Nikolayev və Yujnı limanlarında iki gəmiyə hücum edilib. Odessanın cənubunda Ukrayna limanlarına silah və hərbi texnika daşıyan daha iki gəmiyə hücum edilib.

Bundan əlavə, Rusiya ordusu Qara dəniz Avtomobil Komponentləri Zavoduna və Çornomorsk limanındakı liman terminalına zərbələr endirib. Rusiya Müdafiə Nazirliyi əlavə edib ki, Ukrayna Silahlı Qüvvələri orada hərbi texnikanı təmir edir və sursat saxlayırdı. ]]> cabbar Tue, 04 Aug 2026 11:45:02 +0400 https://intertv.az/index.php?newsid=61365 https://intertv.az/index.php?newsid=61365 ]]>

Prezident İlham Əliyevin imzaladığı “Qeyri-neft-qaz malları üzrə ixracın dəstəklənməsi ilə bağlı əlavə tədbirlər haqqında” Fərmana əsasən, ixrac rəsmiləşdirilmə xərclərinə görə sahibkarlara kompensasiyaların ödənilməsinə başlanacaq.
Bunu deputat Vüqar Bayramov deyib.

O bildirib ki, sənəd Azərbaycan mənşəli qeyri neft-qaz mallarını ixrac edən mikro, kiçik və orta sahibkarlıq subyektlərinin ixrac zamanı ödədikləri gömrük rəsmiləşdirilməsi xərclərinin dövlət tərəfindən kompensasiya edilməsini nəzərdə tutur:

“Gələn aydan ödənilməyə başlanılacaq kompensasiyalar mənşə sertifikatı ilə müəyyənləşdiriləcək və vəsaiti Azərbaycan mənşəli malların ixracatını həyata keçirən mikro, kiçik və orta sahibkarlar ala biləcək. Bu zaman ixrac olunmuş qeyri neft-qaz mallarına görə gömrük rəsmiləşdirilməsi xərclərinin bir hissəsi dövlət tərəfindən qarşılanacaq.

Kompensasiyanın məbləğinə gəldikdə isə gömrük dəyəri üzrə tətbiq edilən yığım hədlərinə görə fərqli olacaq. 2026-cı il sentyabrın 1-dən 2031-ci il sentyabrın 30-dək həyata keçiriləcək ixrac əməliyyatlarına görə hesablanacaq kompensasiyalarda hər bir ixrac bəyannaməsi üzrə yuxarı hədd müəyyən ediləcək və ödənişlər ona əsasən veriləcək”.

O həmçinin qeyd edib ki, kompensasiyaların verilməsi ixrac həyata keçirən mikro, kiçik və orta sahibkarların dövlət tərəfindən daha yaxından dəstəklənməsinə imkan verəcək. “Bu, həmçinin qeyri neft-qaz ixracının strukturunun dəyişməsinə və bazarlar üzrə şaxələnməsinə də şərait yaradacaq”, - deputat vurğulayıb. ]]> cabbar Tue, 04 Aug 2026 11:40:41 +0400 https://intertv.az/index.php?newsid=61364 https://intertv.az/index.php?newsid=61364 ]]>

Bu ilin iyul ayında Azərbaycanda xüsusi şərtlərlə əmək pensiyası alanların sayı 151 607 nəfər olub.
Bu barədə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondundan (DSMF) məlumat verilib.

Məlumata görə, onların 115 615 nəfəri yaşa, 13 141 nəfəri əlilliyə, 22 851 nəfəri isə ailə başçısını itirməyə görə pensiya alıb. ]]> cabbar Tue, 04 Aug 2026 11:36:25 +0400 https://intertv.az/index.php?newsid=61363 https://intertv.az/index.php?newsid=61363 ]]>

“Müstəqil Azərbaycanla güclü münasibətlər qurmalıyıq. Biz onun suverenliyini və ərazi bütövlüyünü dəstəkləyirik”.
Bunu Ukrayna Prezidenti Volodimir Zelenski deyib.
Zelenski hesab edir ki, keçmiş Sovet İttifaqı ölkələri nə qədər güclü və müstəqil olarsa, onun yenidən bərpası və buna cəhd də bir o qədər çətin olacaq.

O əlavə edib ki, Putinin belə bir niyyəti var və buna cəhd edir. "Ukrayna bunun açarıdır. O, bizi parçalamaq istəyir. Əgər o, buna nail olsaydı digər postsovet ölkələri ilə işlər daha asan olardı. Hamı bunu bilir və Ukraynanın həyatı üçün çox dəyərli olan digər ölkələrin müstəqilliyinə verdiyi töhfəni yüksək qiymətləndirir", - o vurğulayıb.

İrəvanla münasibətlərinə toxunan Zelenski deyib ki, biz həmçinin, bu il uzun müddətdən sonra ilk dəfə olaraq Ermənistanla əlaqələri bərpa etdik. ]]> cabbar Tue, 04 Aug 2026 10:48:27 +0400 https://intertv.az/index.php?newsid=61362 https://intertv.az/index.php?newsid=61362 ]]>

Nazirlər Kabineti "Müvafiq bazarda sahələrin təmərküzləşmə səviyyəsinin müəyyən edilməsi Qaydası"nı və "Rəqabət orqanı tərəfindən təmərküzləşmələrin qiymətləndirilməsi Qaydası"nı təsdiq edib.
Bununla bağlı Baş nazir Əli Əsədov yeni qərar imzalayıb.

Qərara əsasən, hər iki qayda Rəqabət Məcəlləsinə uyğun olaraq hazırlanıb. "Müvafiq bazarda sahələrin təmərküzləşmə səviyyəsinin müəyyən edilməsi Qaydası"nda istifadə olunan anlayışlar Məcəllə və digər normativ hüquqi aktlarla müəyyən edilmiş mənaları ifadə edir.

"Rəqabət orqanı tərəfindən təmərküzləşmələrin qiymətləndirilməsi Qaydası" da Rəqabət Məcəlləsinə uyğun olaraq hazırlanıb, bazar subyektləri tərəfindən təmərküzləşmələr haqqında rəqabət orqanına təqdim edilmiş ərizələrə baxılması, habelə rəqabət orqanına məlumat vermədən baş tutmuş və razılıq alınması tələb olunan təmərküzləşmələrin rəqabət orqanının öz təşəbbüsü ilə araşdırılması və təmərküzləşmələrə nəzarət tədbirləri zamanı tətbiq edilir. Qaydaya uyğun olaraq təmərküzləşmələrin qiymətləndirilməsi zamanı

iqtisadi nəzəriyyə, empirik və iqtisadi statistika əsaslı təhlillər aparılır, habelə müvafiq bazarla şaquli və üfüqi əlaqəli olan qonşu bazarlarda rəqabət vəziyyəti nəzərə alınır. ]]> cabbar Tue, 04 Aug 2026 10:39:22 +0400 https://intertv.az/index.php?newsid=61361 https://intertv.az/index.php?newsid=61361 ]]>

Avqustun 2-si dənizdə batan Ruslan Rafiq oğlu Həmidovun meyiti tapılıb.

Bununla bağlı Fövqəladə Hallar Nazirliyi (FHN) məlumat yayıb.

“Bakı şəhəri, Xəzər rayonu, Buzovna qəsəbəsində dənizdə nəzarətsiz ərazidə batan 2004-cü il təvəllüdlü Ruslan Rafiq oğlu Həmidovun meyiti FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları tərəfindən suda tapılıb çıxarılaraq aidiyyəti üzrə təhvil verilib”, - məlumatda deyilir.

Xatırladaq ki, 2 gün əvvəl dənizdə nəzarətsiz ərazidə 3 nəfər - 2 qardaş və bacı batıb. 2009-cu il təvəllüdlü Aysel Rafiq qızı Həmidova xilas olunub, 2014-cü il təvəllüdlü Əli Rafiq oğlu Həmidovun meyiti isə sahildə aşkar edilib. ]]> cabbar Tue, 04 Aug 2026 10:31:16 +0400 https://intertv.az/index.php?newsid=61360 https://intertv.az/index.php?newsid=61360 ]]>

Fövqəladə Hallar Naziriyi (FHN) vətəndaşların nazirliyə müraciətinin daha da asanlaşdırılması, vətəndaş məmnunluğunun və xidmətlərin rəqəmsallaşdırılmasının təmin edilməsi məqsədilə növbəti addım atıb.

Bununla bağlı FHN məlumat yayıb.

Bildirilib ki, vətəndaşların Fövqəladə Hallar Nazirliyinə və nazirliyin müvafiq qurumlarına müraciətlərinin elektron qaydada təqdim edilməsi məqsədilə “MyGov” platforması üzərindən də müraciət göndərilməsi imkanı yaradılıb.

Vətəndaşlar “MyGov” platformasında “Dövlət qurumlarına rəsmi məktub” bölməsi vasitəsilə Fövqəladə Hallar Nazirliyini və ya nazirliyin müvafiq alt qurumunu seçərək elektron müraciətlərini ünvanlaya bilərlər.

Müraciətin nəticəsi üzrə FHN tərəfindən hazırlanmış rəsmi cavab “MyGov” platforması üzərindən vətəndaşın şəxsi kabinetinə göndərilir. ]]> cabbar Tue, 04 Aug 2026 10:05:03 +0400