https://intertv.az/ InterTv.Az true https://intertv.az/index.php?newsid=62080 cabbar dunya Mon, 14 Sep 2026 10:28:09 +0400

Rusiya Ermənistana təbii qaz təchizatı müvəqqəti olaraq dayandırılacaq.
Bu barədə "Qazprom Armenia" QSC məlumat yayıb.
"Rusiya Federasiyasında Şimali Qafqaz-Zaqafqaziya magistral qaz kəmərində aparılan kompleks planlı təmir və texniki xidmət işləri ilə əlaqədar olaraq, bu kəmər vasitəsilə Ermənistana təbii qazın tədarükü sentyabrın 15-dən 25-dək müvəqqəti olaraq dayandırılacaq", - məlumatda deyilir.

Verilən mıəlumata görə, göstərilən müddət ərzində daxili ehtiyatlar və İrandan tədarük edilən əlavə təbii qaz həcmləri hesabına respublika istehlakçılarına məhdudiyyət qoyulmadan fasiləsiz və etibarlı qaz təchizatı təmin ediləcək.]]> true https://intertv.az/index.php?newsid=62079 cabbar siyaset Mon, 14 Sep 2026 09:58:50 +0400

Bakıda Türk Dövlətləri Təşkilatı (TDT) Müsəlman dini liderlərinin 7-ci Görüşü başlayıb.
Qafqaz Müsəlmanları İdarəsinin (QMİ) təşkilatçılığı ilə keçirilən TDT Müsəlman dini liderlərinin 7-ci Görüşündə 40-a yaxın ölkədən və 18 beynəlxalq təşkilatdan ümumilikdə 200-ə yaxın din xadimi iştirak edir.]]> true https://intertv.az/index.php?newsid=62078 cabbar sosial Mon, 14 Sep 2026 09:51:55 +0400

Yeni tədris ilinin başlanması ilə bağlı Baş Dövlət Yol Polisi İdarəsi hərəkət iştirakçılarına müraciət edib.
Bu barədə DYPİ-dən məlumat verilib.

Bildirilib ki, tədris prosesinin başlanması ilə yollarda, xüsusilə səhər və axşam saatlarında hərəkət intensivliyinin artması, məktəb, bağça və digər təhsil müəssisələrinin ətrafında sıxlığın yaranması gözlənilir:

"Belə şəraitdə hər bir hərəkət iştirakçısının daha diqqətli və məsuliyyətli davranması vacibdir. Təhsil müəssisələrinin yaxınlığında sürət əvvəlcədən azaldılmalı, piyada keçidlərinə xüsusi diqqət yetirilməli, avtomobillər ikinci cərgədə, piyada keçidlərinin üzərində və hərəkətə maneə yaradan digər yerlərdə saxlanılmamalıdır".

Qeyd edilib ki, valideynlər uşaqları məktəbə gətirib-apararkən avtomobilləri yalnız təhlükəsiz və icazə verilən yerlərdə saxlamalı, onların nəqliyyat vasitəsindən səki istiqamətində düşüb-minməsinə nəzarət etməlidirlər.

Şagirdlər yolu yalnız müəyyən edilmiş yerlərdən keçməli, dayanmış avtomobillərin arasından qəfil yola çıxmamalı, hərəkət zamanı mobil telefon və qulaqlıq kimi diqqəti yayındıran vasitələrdən istifadə etməməlidirlər.

Unutmayaq ki, valideynlərin yol hərəkətində nümayiş etdirdiyi davranış uşaqlar üçün ən təsirli nümunədir. Övladlarımızdan qaydalara əməl etməyi tələb ediriksə, ilk növbədə bunu öz davranışımızla göstərməliyik.

"Baş Dövlət Yol Polisi İdarəsi hər kəsi yeni tədris ilinin ilk günlərindən yollarda diqqətli, səbirli və məsuliyyətli olmağa çağırır. Məktəbə gedən hər bir uşağın təhlükəsizliyi hamımızın ortaq məsuliyyətidir".]]> true https://intertv.az/index.php?newsid=62076 cabbar dunya Mon, 14 Sep 2026 09:39:03 +0400

Ermənistanda hakimiyyətin əsas dİrəvanda hakimiyyətin dayaqları bir-birinə qarşı: Polis–İstintaq Komitəsi qarşıdurması fiziki müstəviyə keçdi

Ermənistanda hakimiyyətin dayaqlarından sayılan güc strukturlarının öz daxilində qarşıdurma yaranması ölkədəki siyasi sistemin dayanıqlığı ilə bağlı yeni suallar doğurub. İrəvanda polis əməkdaşı ilə İstintaq Komitəsinin əməkdaşları arasında baş verən insident adi məişət münaqişəsi kimi təqdim olunsa da, erməni siyasi dairələrə bunun daha ciddi proseslərin göstəricisi olduğunu iddia edir.
Musavat.com acnis.am-a istinadən yazdığına görə, günlər əvvəl İrəvan Şəhər İstintaq İdarəsinin binası qarşısında hüquq-mühafizə sisteminin iki fərqli strukturunun nümayəndələri arasında qarşıdurma baş verib.

Hadisə zamanı Ermənistan Daxili İşlər Nazirliyinin polis əməkdaşı bir neçə yaxın qohumu ilə birlikdə iki müstəntiqi döyüblər. Yəni söhbət sıradan vətəndaşlarla polis arasında mübahisədən deyil, dövlətin hüquq-mühafizə sistemində çalışan iki strukturun əməkdaşlarının toqquşmasından gedir. Erməni nəşri bu hadisəni daha geniş siyasi proseslərin fonunda qiymətləndirərək ölkədəki güc strukturlarında sistemli böhranın başladığını yazır. Məsələnin mahiyyəti ondadır ki, Ermənistan hakimiyyətinin son illərdə siyasi dayaqlarından biri məhz hüquq-mühafizə və repressiv strukturlar olub. Hakimiyyətin siyasi rəqiblərinə qarşı cinayət işləri, həbslər, istintaqlar və müxtəlif təzyiq mexanizmləri güc strukturlarının siyasi proseslərdə rolunu əhəmiyyətli dərəcədə artırıb.Belə vəziyyətdə isə təhlükəli paradoks ortaya çıxır: hakimiyyətin qorunması üçün gücləndirilən strukturlar zaman keçdikcə özlərini sistemin digər hissələrindən daha üstün hesab etməyə başlaya bilərlər.

Hadisənin başqa bir mühüm tərəfi hüquq-mühafizə sistemindəki institusional parçalanmadır. Ermənistanda polis Daxili İşlər Nazirliyinin tabeliyindədir. İstintaq Komitəsi isə ayrıca qurumdur. “Beləliklə, eyni siyasi hakimiyyətə xidmət edən iki güc strukturu müxtəlif idarəetmə xəttinə tabedir. Bu strukturlar arasında qarşıdurmanın fiziki müstəviyə keçməsi isə sistem daxilində koordinasiya və qarşılıqlı etimad məsələsini gündəmə gətirir. Əgər polis əməkdaşı ilə müstəntiqlər arasındakı adi münaqişə belə iki tərəfin öz gücünü nümayiş etdirməsinə çevrilirsə, siyasi böhran şəraitində daha ciddi qarşıdurmaların baş verməsi ehtimalı istisna edilmir” deyə, nəşr yazır.
Məhz buna görə erməni nəşri hadisəni “qara qu quşu” ssenarisi ilə əlaqələndirir. Bu anlayış əvvəlcədən proqnozlaşdırılması çətin, lakin baş verdikdə ciddi nəticələr doğura biləcək hadisələri ifadə edir. Ermənistanda hazırda əsas problem yalnız bir polis əməkdaşının müstəntiqlərlə dalaşması deyil. Əsas məsələ hakimiyyətin güc strukturlarının hamısını vahid siyasi və institusional nəzarət altında saxlaya bilməsidir. Əgər hüquq-mühafizə strukturları arasında rəqabət dərinləşərsə, məsələ artıq konkret cinayət işi və ya inzibati mübahisə çərçivəsindən çıxaraq hakimiyyət daxilində güc balansı probleminə çevrilə bilər. Belə proseslərin sonrakı mərhələsi isə daha təhlükəlidir: ayrı-ayrı güc strukturlarının arxasında müxtəlif siyasi qrupların dayanması, onların bir-birini müdafiə etməsi və nəticədə dövlət aparatının daxilində paralel təsir mərkəzlərinin formalaşması. Erməni nəşrinin irəli sürdüyü yanaşmaya görə, hakimiyyətin legitimliyi ilə bağlı mübahisələr, siyasi qütbləşmə və güc strukturlarının artan rolu bir-birini tamamlayan proseslərdir. Hakimiyyət cəmiyyətin müəyyən hissəsinin dəstəyinə tam əmin deyilsə, daha çox güc strukturlarına arxalanır. Güc strukturlarının siyasi çəkisi artdıqca isə onların daxilindəki maraq və ambisiyalar da əhəmiyyət qazanır.

Nəticədə hakimiyyəti qoruyan mexanizm hakimiyyət üçün əlavə risk mənbəyinə çevrilə bilər. Siyasi hakimiyyətin əsas dayaqları hesab olunan strukturlar bir-birinə qarşı güc tətbiq etməyə başlayırsa, problem artıq hakimiyyətin rəqibləri ilə deyil, hakimiyyətin öz daxilində yaranır. Bu isə Azərbaycanla sülh sazişi imzalamaq istəyən Ermənistan hakimiyyəti üçün siyasi böhranın yeni mərhələsinin başlanğıcı ola bilər...]]> true https://intertv.az/index.php?newsid=62075 cabbar hadise Mon, 14 Sep 2026 09:28:25 +0400

Paytaxtın bəzi yollarında tıxac müşahidə olunur.

Bu barədə Nəqliyyatı İntellektual İdarəetmə Mərkəzi (NİİM) məlumat yayıb.

Hazırda yollardakı vəziyyət:

1. Heydər Əliyev prospekti, əsas yol, mərkəz istiqamətində;

2. Heydər Əliyev prospekti, köməkçi yol, mərkəz istiqamətində;

3. 1-ci Göl kənarı yolu, Ziya Bünyadov prospekti istiqamətində;

4. Ziya Bünyadov prospekti, Müzəffər Nərimanov küçəsi ilə kəsişmədən “20 Yanvar” metro stansiyası istiqamətində;

5. Bakı-Sumqayıt şosesi, “20 Yanvar” metro stansiyası istiqamətində;

6. Babək prospekti, mərkəz istiqamətində;

7. 8 Noyabr prospekti, Süleyman Əhmədov küçəsi ilə kəsişmədən mərkəz istiqamətində;

8. Dənizkənarı küçəsi, Bayraq Meydanının qarşısından “Azneft” dairəsi istiqamətində;

9. Tbilisi prospekti, “20 Yanvar” metro stansiyasından mərkəz istiqamətində;

10. Əbdülvahab Salamzadə küçəsi, Ziya Bünyadov prospekti istiqamətində;

11. Alı Mustafayev küçəsi, Ziya Bünyadov prospekti istiqamətində;

12. Üzeyir Hacıbəyli küçəsi, Azadlıq prospekti ilə kəsişməyə qədər sıxlıq müşahidə olunur.]]> true https://intertv.az/index.php?newsid=62070 cabbar dunya Mon, 14 Sep 2026 09:22:54 +0400

Bazar günü axşam saatlarında İsrail ordusunun artilleriya bölmələri Suriya ərazisinin cənubunda, silahsızlaşdırılmış zonada yerləşən Ayn-eş-Şaar və Harbun rayonlarına zərbələr endirməyə başlayıb.

Bu barədə yerli “Al-Ikhbariya” telekanalı məlumat yayıb.

Məlumata görə, hücum nəticəsində bəzi ərazilərdə yanğınlar baş verib. Artilleriya zərbələrinin Qolan təpələrindəki mövqelərdən endirildiyi qeyd olunur. Mərmilərin Dəməşqdən 55 km cənub-qərbdə yerləşən Beyt-Jan şəhərinin ətrafına düşdüyü bildirilir.

Jurnalistlər diqqəti ona yönəldiblər ki, günün ikinci yarısında İsrail qüvvələri Tell-Ahmar və Ayn-ən-Nuriya kəndlərinə əlavə canlı qüvvə və texnika göndərib. Yerli sakinlər hərbçilərin yerləşdirilməsinə mane olmağa çalışaraq zirehli texnikaları daşqalaq ediblər.

Suriyanın xarici işlər naziri Əsəd əş-Şeybani bazar günü silahsızlaşdırılmış zonada hərbi gərginliyin artmasını pisləyib və İsrail qoşunlarının ərazidən dərhal çıxarılmasını tələb edib.

Türkiyənin xarici işlər naziri Hakan Fidan Suriya prezidenti Əhməd əş-Şəraa ilə görüşüb. Bu barədə Türkiyə Xarici İşlər Nazirliyinin “NSosyal” sosial platformasındakı rəsmi hesabında məlumat verilib.

Danışıqlar Türkiyə XİN rəhbərinin Dəməşqə səfəri çərçivəsində baş tutub. Səfərin digər təfərrüatları barədə hələlik açıqlama verilməyib.

Türkiyənin xarici işlər naziri Hakan Fidan bildirib ki, prezident Rəcəb Tayyib Ərdoğan tezliklə Suriyaya səfər edə bilər.

“Yaxın vaxtlarda cənab Prezidentimizin Suriyaya səfəri planlaşdırılır. O, uzun müddətdir ki, belə bir səfər etmək arzusundadır. Biz bu səfər üçün lazımi şərait yaratmağa çalışırıq”, - deyə Hakan Fidan Dəməşqdə ərəb respublikasının keçid hökumətinin XİN rəhbəri Əsəd əş-Şeybani ilə danışıqlardan sonra bildirib.

Fidanın sözlərinə görə, Dəməşqdəki təmaslar zamanı o, səfərə hazırlıqla məşğul olan yüksəksəviyyəli işçi qrupunun fəaliyyəti ilə tanış olub. “Bu baxımdan mənim indiki səfərim böyük əhəmiyyət kəsb edir”, - deyə Fidan Ərdoğanın səfərinin dəqiq tarixini açıqlamadan əlavə edib.

Xatırladaq ki, avqustun ortalarında Rəcəb Tayyib Ərdoğan da yaxın vaxtlarda Suriyaya səfər etmək niyyətində olduğunu bəyan edib.]]> true https://intertv.az/index.php?newsid=62074 cabbar hadise Mon, 14 Sep 2026 09:20:30 +0400

Metronun "İçərişəhər" stansiyasının giriş sahəsində nasaz qatar xətdən çıxarılıb.

Bu barədə "Bakı Metropoliteni" QSC-dən bildirilib.

Məlumata görə, qısa müddət ərzində Qırmızı xətt üzrə interval bərpa olunub", - məlumatda bildirilib.

***

08:44

Bakı metrosunun bütün istiqamətlərində səhər saatlarında qatarların hərəkətində problem yaranıb.

“Bakı Metropoliteni” QSC-dən bildirilib ki, “İçərişəhər” stansiyasının giriş sahəsində qatarda nasazlıq yaranıb.

Bu səbəbdən köməkçi qatar verilməklə nasaz qatar xətdən çıxarılır. Qısa müddət ərzində Qırmızı xətt üzrə interval bərpa olunacaq.

Yaşıl və Bənövşəyi xətlərdə qatarlar qrafikə uyğun olaraq hərəkət edir, hər hansı təhlükəli və ya ciddi narahatlıq doğuran məsələ yoxdur.

Qurumdan əlavə olunub ki, məsələ ilə bağlı açıqlama veriləcək.

***

08:22

Səhər saatlarında Bakı metrosunun "İçərişəhər" stansiyasının önündə sıxlıq yaranıb.

“Həzi Aslanov”–“İçərişəhər” istiqamətində hərəkət edən qatarların hərəkəti dayanıb.

Nəticədə uzun növbə yaranıb.

Məsələ ilə bağlı Bakı Metropoliteninin QSC-nə sorğu ünvanlanıb.]]> true https://intertv.az/index.php?newsid=62069 cabbar dunya Mon, 14 Sep 2026 09:12:44 +0400

İranda ABŞ-ın mümkün hücumundan müdafiə məqsədilə mindən çox könüllü batalyonunun yaradılması planlaşdırılır.

Bu barədə təşkilatın qərargahının yaydığı açıqlamada bildirilib.

Məlumata görə, kampaniya “Özünü fəda edənlər” adlanır.

Açıqlamada qeyd olunur ki, ölkənin istənilən sakini könüllü kimi qeydiyyatdan keçə bilər. Sentyabrın 15-dən sonra könüllülərin hərbi hazırlıq və ilkin tibbi yardım kurslarından keçməsi mümkün olacaq.

Həmçinin bildirilir ki, indiyədək İran vətəndaşları tərəfindən könüllü kimi qeydiyyatdan keçmək üçün 31,5 milyondan çox müraciət daxil olub.]]> true https://intertv.az/index.php?newsid=62073 cabbar dunya Mon, 14 Sep 2026 09:00:50 +0400

Ukrayna prezidenti Volodimir Zelenski özünün keçmiş mətbuat katibi Yuliya Mendelə qarşı sanksiya tətbiq edib. Mendel Ukrayna hakimiyyətinin dezinformasiya və Rusiya təbliğatını yaymaqda ittiham etdiyi şəxslərin siyahısına daxil edilib.

Zelenskinin 13 sentyabr tarixində imzaladığı fərmanla ümumilikdə 10 nəfərə qarşı məhdudlaşdırıcı tədbirlər qüvvəyə minib.

Siyahıda həm Rusiya, həm də Ukrayna vətəndaşları yer alıb. Ukrayna tərəfi həmin şəxsləri dezinformasiya yaymaqda, Rusiya təbliğatını dəstəkləməkdə və Rusiyanın Ukraynaya qarşı aqressiv siyasətinə haqq qazandırmaqda ittiham edir.

Yuliya Mendel siyahıdakı yeganə Ukrayna vətəndaşıdır. O, 2019-2021-ci illərdə Volodimir Zelenskinin mətbuat katibi vəzifəsində çalışıb.

Hazırda isə keçmiş rəhbərliyi ilə bağlı tənqidi açıqlamaları ilə diqqət çəkir.

Məlumata görə, Mendelə qarşı tətbiq edilən sanksiyalar 10 il müddətinə qüvvədə olacaq. Məhdudiyyətlərə onun Ukrayna ərazisindəki aktivlərinin bloklanması, müəyyən iqtisadi və maliyyə əməliyyatlarına qadağalar və digər sanksiya tədbirləri daxildir.

Mendel isə qərara münasibət bildirərək sanksiyaların tətbiqini tənqid edib. O, son dövrlərdə Ukrayna ilə Rusiya arasında danışıqların vacibliyini müdafiə edən açıqlamalar verib və Kiyevin gec-tez Moskva ilə danışıqlara başlamalı olacağını bildirib.

Qeyd edək ki, Zelenskinin imzaladığı yeni sanksiya paketləri yalnız ayrı-ayrı şəxslərlə məhdudlaşmır. Eyni gün Rusiyanın “kölgə donanması” ilə əlaqəli 20 gəmi, həmçinin “Rostex”lə bağlı 29 Rusiya vətəndaşı və 29 şirkət də sanksiya siyahısına salınıb.

Beləliklə, Zelenskinin vaxtilə ən yaxın kommunikasiya komandasının üzvü olmuş Mendelin indi Rusiya təbliğatını yaymaqda ittiham edilən şəxslər arasında yer alması Ukrayna daxilində də diqqət çəkən qərarlardan birinə çevrilib.]]> true https://intertv.az/index.php?newsid=62066 cabbar dunya Sat, 12 Sep 2026 12:00:11 +0400

Noyabr ayında keçiriləcək Konqres seçkilərindən dərhal sonra ABŞ İrana qarşı müharibəni başa çatdıracaq.

Bunu ABŞ prezidenti Donald Tramp Fox News-a verdiyi müsahibədə deyib: "Müharibə ara seçkilərdən dərhal sonra başa çatacaq".

O, respublikaçıların məğlub olacağı təqdirdə münaqişəyə daha sərt yanaşmanı istisna etməyib: "Düşünürəm ki, bir çox insan düşünür ki, əgər biz (Respublikaçılar – red.) uduzsaq, mən daha da qəzəblənəcəyəm və sadəcə hər şeyə son qoyacağam. Bu da bir seçimdir. Hər iki halda, onlar (iranlılar – red.) uduzacaqlar".

Daha əvvəl Tramp İranla müharibənin noyabr ayında keçiriləcək Konqres seçkilərindən dərhal sonra, hətta seçkilərdən əvvəl də bitəcəyinə əminliyini ifadə etmişdi.]]>