Hər hftənin hər günü Ekologiya və Təbii Sərvətlər Nazirliyi (ETSN) haqqında sosial mediada məlumatlar yayımlanır. Yayımlanan məlumatların demək olar hamısının əsasını isə vətəndaş etirazları təşkil edir.

Məsələn, Samux rayon Nabiağalı qəsəbəsində məhv edilmiş meşə zolağı barəsində məlumat sözügedən rayonun sakinləri,

Meşə əraziləri mənimsənilir - NAZİR HARA BAXIR ?!



Oğuz meşələrində kömür hazırlanması barəsində məlumatlar Oğuz sakini,

Nazirliyin təbiətə bəd nəzəri

cənub meşələri barəsində məlumatlar yerli sakinlər tərəfindən redaksiyamıza göndərilib.

Həmçinin, xatırlayırsınızsa bir neçə il öncə, yəni 2020-ci ilin ikinci yarısında "DogruXeber.az" olaraq, Cəlilabad rayonunun Göytəpə qəsəbəsində çoxillik yaşıllıq ağaclarının məhv edilməsi barəsində həyəcan siqnalı vermişdik.



Hansı ki, həmin məlumatlarda yerli sakinlər Rafiq Abışov adlı bir sahibkarın Qurtuluş küçəsindəki istirahət parkındakı oturacaqların bir gecədə götürülməsinə, yaşıllıq ağaclarının kökünə mazut tərkibli maddələr tökülüb, onların məhv edilməsinə etiraz edirdilər. Onlarda haqlı narahatlıq və narazılıq doğuran məsələ barəsində yerli icra nümayəndəsinə, həmçinin Ekologiya və Təbii Sərvətlər Nazirliyinin 1 saylı regional Ekologiya şöbəsinə şəxsən məlumat verib, eyni zamanda agentliyimiz vasitəsilə yayımlamışdıq.

İnzibati binanın önündə cinayət xarakterli əməl

Məsələdən artıq iki ilə yaxın müddət keçib və həmin ərazidə yaşayan sakinlər tərəfindən redaksiyamıza yenidən müraciət daxil olub.

Bu dəfəki məlumatda isə bildirilir ki, artıq, sözügedən ərazidəki istirahət parkı və yaşıllıq ağacları tamamilə məhv edilib. Yerində isə böyük iaşə obyekti ucaldılmaqdadır. Hazırda, obyektin üçüncü mərtəbəsində qızğın iş gedir. Hələ neçə mərtəbəli olacağı sakinlərə bəlli deyil.

Qeyd edək ki, istirahət parkı və yaşıllıq ağacları məhz həmin iaşə obyektinin tikilməsi məqsədilə yandırılaraq, məhv edildi. Təəssüflər olsun ki, media vasitəsilə yayımladığımıza baxmayaraq, məsələyə bütün aidiyyatı qurumlar susdu və hələ də susmaqda davam edirlər.

Görəsən niyə?

QEYD : Yeri gəlmişkən, sözügedən qanun pozuntusu barəsində "DogruXeber.az" informasiya portalı adından Azərbaycan respublikasının İqtisadiyyat Nazirliyi, Baş Prokurorluq, Ekologiya və Təbii Sərvətlər Nazirliyi, həmçinin Cəlilabad rayon İcra Hakimiyyətinin elektron poçt ünvanına rəsmi müraciətlər göndərmişik.

Bu günlərdə "DogruXeber.az" redaksiyasına daha bir rayon, Goranboy rayonunun bəzi sakinləri tərəfindən məlumat daxil olmuşdur. Məlumata deyilir: - "Goranboy rayonunda 2008 ci ildə yaradılmış ETSN nin tabeli qurumu, "Korçay" Dövlət Təbiət qoruğu ərazisində yeganə sututar var. Onu ETSN nin Bioloji müxtəlifliyin qorunması xidmətinin "Korçay" dövlət qoruğunun direktoru Yusif Kazımov qeyri-qanuni icarəyə verib, qurutdurub. Bildiyimiz kimi, qoruq ərazisində istənilən təsərrüfat fəaliyəti qadağandır.

Qoruğun ərazisi 4833,6 (dörd min səkkiz yüz otuz üç tam, onda 6) hektardır. Yuxarıda da qeyd etdiyimiz kimi bu göl qoruq ərazisində yeganə su tutardır və Yusif Kazımov tərəfindən icarəyə verilib. 2021 ci ildə göldə balıq saxlanılırdı. Bunun nəticəsində qoruğun mühafizə rejimi pozulub.
İnzibati Xətalar Məcəlləsinin (İXM) 242-ci maddəsinin tələbləri pozulub və "Azərbaycan Respublikasının xüsusi mühafizə olunan təbiət əraziləri haqqında qanun"un tələbləri pozulub. 9 ay göldə balığa baxıblar, sonra balıqları tutmaq üçün gölün suyunu qurudublar. Nazirlik tərəfindən araşdırma aparılıb, amma heçbir tədbir görülməyib. Çünki yusif kazımovu müdafiə edənlər var. Qeyd edək ki, qoruq direktoru həmin gölün qurudulmasına etiraz edən iki işçini - sahə müfəttişi Əli Rəsulov və Rəşad Həmidovu şərləyib işdən çıxarıb. Məsələ qoruq direktorunun özbaşnalığı, qanunları heçə saymağı, öz maraqlarını dövlətdən üstün tutmağıdır."



Gördüyünüz kimi sakinlər də bildirir ki, nazirlik tərəfindən araşdırma aparılıb və heç bir tədbir görülməyib. Eynilə Daşkəsən rayon Çanaqçı kəndindəki çayın məcrasında yerləşən villa və balıq gölləri kimi.

QEYD: Sözügedən villa barəsində aylardır ki, təkrar-təkrar məlumatlar dərc edib, dəfələrlə telefon açıb cavab istədikdən sonra, nəhayət ki, ötən həftə nazirlik tərəfindən cavab göndərildi. Lakin, yenə də qaneedici cavab verilməyib. Görünür, nazirlik hələ də bizə gözümüzdən daha yaxşı gördüklərini sübut etməkdə israrlıdır.

Yeri gəlmişkən, buvaxta qədər ETSN tərəfindən reaksiya verilən, daha doğrusu qurumu narahat edən yeganə məlumat, iki saata 24.000 (iyirmi dörd min) AZN qazandığı deyilən Fizuli Babayevin Nazirin əmisi oğlu olmasıdır. Sözügedən qurumun bəzi səlahiyyətli nümayəndələri telefonla danışdığımız zaman israrla, təkrar-təkrar Fizuli Babayevin nazirin əmisi oğlu olmadığını bildirirlər. Əslində, biz Babayevlərin qohumluq əlaqələri barəsində də kiçik araşdırma aparmışıq. Onu da qeyd edək ki, ETSN-nə gəlməzdən əvvəl Muxtar və Fizuli Babayevlər "SOCAR" neft şirkətində çalışıblar. Muxtar Babayev Ekologiya və Təbii Sərvətlər Naziri vəzifəsinə təyin edildikdən sonra, Fizuli Babayevi də yanına gətirərək, nazirlikdə ona mühüm (ən gəlirli) vəzifəni əmanət etdi. Etibarlı mənbədən əldə etdiyimiz məlumata görə Fizuli Babayev nazirlikdə söz sahibidir. Yəni, nazir Muxtar Babayev çox zaman, çox işlər barəsində onunla məsləhətləşir və onun tövsiyyələrinə xüsusi önəm verir. Bütün bunlar Babayevlər arasında qan bağlılığı olmasına işarə edir. Bu barədə növbəti yayımlarımızda daha ətraflı araşdırma məlumatları diqqətinizə çatdıracağıq.

Mövzu diqqətimizdədir.

Redaksiyamız hər kəsin söz haqqını tanıyır.