“Bütövlükdə əlaqələr inkişaf edir, sabit və yaxşı gedir. Bütün digər sahələrdə də əlaqələrimiz inkişaf edir. Bir-birimizi bu yaxınlarda görsək də, hər zaman danışacaq bir məsələmiz var”.

Bunu Rusiya prezidenti Vladimir Putin Ermənistanın baş naziri Nikol Paşinyanla görüşündə deyib.

Paşinyan isə öz növbəsində bildirib ki, əlaqələrimiz həqiqətən də davamlı şəkildə inkişaf edir. “Düzdür, bu il müəyyən qlobal proseslərə görə bir qədər azalma oldu, amma hesab edirəm ki, bu mövzu üzərində işləmək vacibdir”.

Paşinyan bildirib ki, münasibətlərində gündəm çox zəngindir və tərəflərin həmişə həqiqətən müzakirə edəcəyi çox şey var.

Onlar atom elektrik enerjisi sahəsində əməkdaşlıq barədə fikir mübadiləsi aparsa da, Paşinyan heç də Rusiya ilə bu sahədə əməkdaşlığa maraqlı olmadığını ortaya qoyub.

Putin bildirib ki, Rusiya uzun müddətdir Ermənistandakı AES-i idarə edir və “Rosatom” hazırda bu atom elektrik stansiyasının ömrünü uzatmaq üçün çalışır.

Paşinyan isə deyib ki, qlobal miqyasda nüvə enerjisinin rolu durmadan artır və nüvə enerjisi ölkəsi üçün çox vacibdir: “Biz Rusiya ilə sıx əməkdaşlıq edirik və Ermənistan Atom Elektrik Stansiyasının ömrünü 2036-cı ilə qədər uzatmaq üçün çalışırıq. Hazırda biz Ermənistan üçün uyğun kiçik modul atom elektrik stansiyası layihələri üzərində işləyirik və müəyyən edirik”.