Maşına Yol Vermə Mübahisəsi Zorakılıqla Nəticələndi - Vətəndaşın Şikayəti Aylardır Araşdırılmır

Moskvadan yeni savaş siqnalı – İrəvan Ukraynanı əvəz etmək yolunda

Sosial şəbəkələrdə böhtan və təhqirə məruz qalanlar nə etməlidir?

İlham Əliyevlə xanımı Zəngilanda sakinlərlə görüşdü

İpi başqalarının əlində olan Ermənistan – Rusiyadan qopsa onu nələr gözləyir...

Soltanlı kəndinin birinci mərhələsinin açılışı oldu

Azərbaycanda benzin və dizel markalanacaq

İlham Əliyev və Mehriban Əliyeva alkoqolsuz içki istehsalı müəssisəsinin AÇILIŞINDA

Bu gün qısa iş günüdür

Maşına Yol Vermə Mübahisəsi Zorakılıqla Nəticələndi - Vətəndaşın Şikayəti Aylardır Araşdırılmır

hadise / video

Oxunub: 162

2 фев 2026 | 16:37

Cənab nazirimiz Vilayət Eyvazova Müraciət - Paytaxt ərazisində baş verən yol mübahisəsi zamanı vətəndaşa qarşı fiziki zorakılıq tətbiq olunub. Hadisə avtomobilə yol vermə məsələsi üzərindən yaranan mübahisə zamanı baş verib və nəticədə vətəndaş yumruq zərbəsi alaraq xəsarət yetirildiyini bildirib.

Məlumata əsasən, zərərçəkən şəxs hadisə ilə bağlı dərhal hüquq-mühafizə orqanlarına müraciət edib. Vətəndaşın şikayəti Bakı şəhəri üzrə onuncu polis bölməsində qeydə alınıb. Bildirilir ki, iş üzrə tədqiqatçı kimi İsmayıl adlı şəxs təyin olunub.

Zərərçəkən vətəndaşın iddiasına görə, hadisədən iki aya yaxın vaxt keçməsinə baxmayaraq, müraciətinə hələ də hüquqi qiymət verilməyib. Halbuki, vətəndaş tərəfindən rəsmi ərizə təqdim olunub, hadisə ilə bağlı ekspertiza keçirilib, xəsarət faktını təsdiqləyən rəsmi tibbi arayış da mövcuddur.

Vətəndaş bildirir ki, bütün bu sənədlərin mövcudluğuna baxmayaraq, şikayətinə baxılmır və proses süni şəkildə uzadılır. Bu hal isə hüquqi dövlət prinsiplərinə və vətəndaşın ədalətli araşdırma hüququna ziddir.

Hadisə ilə bağlı daha ciddi narahatlıq doğuran məqam isə iddialara görə, vətəndaşı yumruqla vuran şəxsin mülki geyimdə olan polis əməkdaşı olması ehtimalıdır. Qeyd edilir ki, məhz bu amil işin araşdırılmasının ləngiməsinə səbəb ola bilər.

Zərərçəkən tərəf hesab edir ki, əgər iddia olunan şəxs adi vətəndaş olsaydı, məsələ çoxdan hüquqi müstəvidə həllini tapardı. Bu isə cəmiyyətdə qanun qarşısında bərabərlik prinsipinin pozulması ilə bağlı suallar yaradır.

Vətəndaş bildirir ki, onun tələbi yalnız ədalətli və obyektiv araşdırmadır. Heç bir xüsusi imtiyaz istəmədən, yalnız qanunun verdiyi hüquqlar çərçivəsində işinə baxılmasını tələb edir.