AAYDA Suraxanı sakinlərinin MÜRACİƏTİNİ EŞİTMİR - Uşaqlarımız yenə palçıq içində məktəbə gedəcək?
Bakı şəhəri Suraxanı rayonu Şovqiyar Abdullayev küçəsinin sakinləri yaşadıqları ərazidə yol örtüyünün uzun illərdir bərbad vəziyyətdə qalmasından narazıdırlar. Onların sözlərinə görə, dəfələrlə aidiyyəti qurumlara müraciət edilməsinə baxmayaraq, problem hələ də həllini tapmayıb.
Musavat.com-a müraciət edən sakinlər bildirirlər ki, küçənin asfaltlanması məqsədilə kollektiv şəkildə Suraxanı bələdiyyəsinə rəsmi ərizə təqdim ediblər.
Müraciət bələdiyyə sədri Nəsib İsmayılov tərəfindən qəbul olunub və onlara bildirilib ki, məsələ baxılması üçün Azərbaycan Avtomobil Yolları Dövlət Agentliyinə (AAYDA) göndərilib. Lakin həmin vaxtdan bəri nə Agentlik tərəfindən hər hansı rəsmi cavab verilib, nə də yolun təmiri ilə bağlı konkret tarix açıqlanıb.
Sakinlərin sözlərinə görə, onlar dəfələrlə AAYDA-dan məsələ ilə bağlı məlumat almağa çalışsalar da, nəticə əldə edə bilməyiblər. Onlar deyirlər ki, ən azından yolun nə vaxt asfaltlanacağı və ya ümumiyyətlə layihənin icra olunub-olunmayacağı barədə rəsmi mövqe bildirilməsini istəyirlər.
"Bizə nə "yolu çəkəcəyik" deyən var, nə də "çəkməyəcəyik". Tam qeyri-müəyyən vəziyyət yaranıb. İnsanlar bilmirlər ki, gözləsinlər, yoxsa başqa çıxış yolu axtarsınlar", – deyə sakinlər bildirirlər.
Hazırda küçənin vəziyyəti isə gündən-günə ağırlaşır. Yol boyu yaranmış dərin çala və çuxurlar həm piyadalar, həm də sürücülər üçün ciddi problem yaradır. Yay aylarında toz-torpaq sakinlərin gündəlik həyatını çətinləşdirirsə, yağışlı havalarda vəziyyət daha da dözülməz olur. Yol palçığa çevrilir, piyadaların hərəkəti demək olar ki, mümkünsüzləşir.
Sakinlər bildirirlər ki, qarşıdan payız mövsümünün gəlməsi və yeni tədris ilinin başlanması onları xüsusilə narahat edir. Məktəbə gedən uşaqlar hər gün bu yararsız yoldan istifadə etməyə məcbur qalacaqlar. Yağış yağdığı zaman isə uşaqların məktəbə çatması, yaşlı insanların küçədə rahat hərəkət etməsi və ümumiyyətlə nəqliyyatın normal işləməsi böyük problemə çevriləcək.
Sürücülər də yolun vəziyyətindən ciddi narazıdırlar. Çala-çuxurlar səbəbindən avtomobillərin asqı sistemi, təkərləri və digər hissələri zədələnir. Bəzi sürücülər yolun müəyyən hissələrində hərəkət etmək üçün sürəti minimuma endirmək məcburiyyətində qalırlar ki, bu da həm vaxt itkisinə, həm də əlavə təhlükələrə səbəb olur.
Problemin həlli istiqamətində sakinlər öz imkanları hesabına da müxtəlif tədbirlər görüblər. Onlar bir neçə dəfə yolun iri çuxurlarını daş, çınqıl və digər materiallarla doldurmağa çalışıblar. Lakin bu, yalnız qısa müddətli nəticə verib. İlk yağışdan və ya intensiv avtomobil hərəkətindən sonra yol yenidən əvvəlki vəziyyətinə qayıdıb.
Sakinlər hesab edirlər ki, bu cür lokal tədbirlərlə problemi həll etmək mümkün deyil və küçənin tam şəkildə asfaltlanmasına ehtiyac var. Onların fikrincə, bu məsələ artıq uzun müddətdir həllini gözləyir və aidiyyəti qurumlar tərəfindən daha ciddi yanaşma tələb olunur.
Şovqiyar Abdullayev küçəsinin sakinləri aidiyyəti dövlət qurumlarına müraciət edərək problemlərinin diqqətdə saxlanılmasını, müraciətlərinə rəsmi cavab verilməsini və yolun qısa müddətdə asfaltlanması ilə bağlı konkret addımların atılmasını xahiş edirlər. Onlar bildirirlər ki, məqsədləri yalnız normal və təhlükəsiz yol şəraitində yaşamaq, övladlarının məktəbə, özlərinin isə işə-gücə rahat gedib-gələ bilməsini təmin etməkdir.
Ümid edilir ki, sakinlərin uzun müddətdir cavab gözləyən müraciəti nəhayət aidiyyəti qurumlar tərəfindən nəzərə alınacaq və Şovqiyar Abdullayev küçəsində yol problemi yaxın vaxtlarda öz həllini tapacaq.
Qeyd edək ki, məsələ ilə bağlı Azərbaycan Avtomobil Yolları Dövlət Agentliyinin (AAYDA) mövqeyini öyrənmək məqsədilə quruma sorğu ünvanlanıb. Sorğuda Şovqiyar Abdullayev küçəsinin asfaltlanmasının Agentliyin iş planına daxil olub-olmaması, layihənin nə vaxt icra ediləcəyinin nəzərdə tutulub-tutulmaması, eləcə də sakinlərin müraciətlərinə niyə indiyədək cavab verilmədiyi ilə bağlı suallar yer alıb.
Sorğumuza cavab daxil olduğu təqdirdə, Agentliyin mövqeyini də dərc edəcəyik.
Вчера, 09:38
Bu gün - 20 Sentyabr Azərbaycanda Xankəndi, Xocalı, Xocavənd və Ağdərə şəhərləri günüdür
Вчера, 09:32
“Əsrin müqaviləsi”nin imzalanmasından 32 il keçir
Вчера, 09:23
Prezidentin sosial şəbəkə hesablarında Dövlət Suverenliyi Günü ilə bağlı videoçarx paylaşılıb - Video
Вчера, 09:00
Azərbaycanda Dövlət Suverenliyi Günüdür
19-09-2026, 16:07
Prezidentdən İsgəndər Cavadovla bağlı - Sərəncam
19-09-2026, 12:00
Hansı temperaturda çay içmək xərçəng yaradır?
19-09-2026, 10:27
DİN-dən antiterror əməliyyatında iştirakı ilə bağlı VİDEO
19-09-2026, 10:19
“Bitcoin”in yenidən bahalaşdı
19-09-2026, 10:11
Pakistanda məscid yaxınlığında terror aktı: 31 nəfər öldü
19-09-2026, 09:50
Makronun həyat yoldaşının kişi olduğunu iddia edən jurnalist öldü
19-09-2026, 09:44
Səhər tezdən işə və dərsə getmək sağlamlığa zərərlidir
19-09-2026, 09:32
Dünya bazarında neft ucuzlaşdı
19-09-2026, 09:21
Süni intellektin səhvi az qala ABŞ-ni Çinlə müharibəyə sürükləyirmiş
19-09-2026, 09:16
“Turan Tovuz” “Zirə”yə, “Sabah” “İmişli”yə qarşı
19-09-2026, 09:00
Qarabağdakı antiterror əməliyyatından 3 il ötür
18-09-2026, 16:00
Paşinyan Kremlə “soyuq savaş” acdı, “gizli plan” ifşa oldu: Ermənistan Rusiya hərbi bazasını əsas hədəfə çevirir
18-09-2026, 15:30
Avropada rəzil hala düşən Ermənistan Azərbaycana şər atdı – Bakıdan cavab
18-09-2026, 14:22
Asiyanın ən varlı adamı artıq odur – 43 yaşlı TikTok sahibinin 50 TIR dolusu pulu var
18-09-2026, 14:00
Qış gəlməmiş evdə özünüz yoxlayın - Bu detal köhnəlibsə, istilik çölə gedəcək
18-09-2026, 13:56
Nəcməddin Sadıkova 21 minlik armudu stəkan alan - Polkovnikin məhkəməsi başladı
18-09-2026, 13:32
İcra başçılarına növbəti XƏBƏRDARLIQ – Sıra kimdə?
18-09-2026, 13:13
Azərbaycan millisinin heyəti açıqlandı
18-09-2026, 12:24
Afra Saraçoğlu da saxlanıldı
18-09-2026, 12:12
Tahir Gözel bu bankın rəhbəri oldu
18-09-2026, 11:44
Nigar Fərhad haqda qərar verildi - Şikayətçilər artır
18-09-2026, 11:40
“Ramiz Mehdiyevin kürəkəni klinikamızı əlimizdən aldı, 8 il sonra borc içində qaytardı”
18-09-2026, 11:36
Metro və dəmiryolu layihələri üçün - Dövlət ehtiyacı ilə torpaqlar alınacaq