Vəzir Həsənov: Bugünkü reallıqlar Azərbaycanın qlobal çağırışlara uyğun düzgün siyasət yürütdüyünü təsdiq edir

Hansı temperaturda çay içmək xərçəng yaradır?

DİN-dən antiterror əməliyyatında iştirakı ilə bağlı VİDEO

“Bitcoin”in yenidən bahalaşdı

Pakistanda məscid yaxınlığında terror aktı: 31 nəfər öldü

Makronun həyat yoldaşının kişi olduğunu iddia edən jurnalist öldü

Səhər tezdən işə və dərsə getmək sağlamlığa zərərlidir

Dünya bazarında neft ucuzlaşdı

Süni intellektin səhvi az qala ABŞ-ni Çinlə müharibəyə sürükləyirmiş

Vəzir Həsənov: Bugünkü reallıqlar Azərbaycanın qlobal çağırışlara uyğun düzgün siyasət yürütdüyünü təsdiq edir

gundem / siyaset

Oxunub: 512 259

23 фев 2022 | 10:40

“Azərbaycan regionun aparıcı dövləti kimi bu bölgədə ciddi təsir imkanlarına malik iki güclü dövlətlə münasibətləri ən yüksək səviyyəyə qaldrırmaqla Cənubi Qafqazda yeni təhlükəsizlik formatının yaradıldığını bir daha təsdiq edir”. Bunu Sumqayıt Gömrük İdarəsinin rəisi general-mayor Vəzir Həsənov deyib. O qeyd edib ki, Vətən müharibəsində qazanılan tarixi qələbədən sonra Azərbaycan regionda sülh və əməkdaşlıq dövrünün başlandığını açıq şəkildə bəyan edib. Bu gün həyata keçirilən siyasətin məqsədi bu yeni dövrün reallıqlarını möhkəmləndirmək, sülh, əməkdaşlıq və rifah üçün zəruri şərtləri təmin etməkdir.

Azərbaycanın regionun iki böyük gücü ilə münasibətlərini müttəfiqlik səviyyəsinə qaldırması ölkənin milli maraqlarına xidmət edir: “Biz çox da uzaq olmayan tarixdə regional güclərlə münasibətləri zədələyən, reallıq hissindən uzaq siyasətin hansı ağır nəticələr verdiyinin şahidi olmuşuq. Çox təəssüf ki, özünü siyasətçi adlandıran bəzi şəxslər, siyasi fəaliyyətlə məşğul olduğunu iddia edən müəyyən təşkilatlar bu gün Azərbaycanın qlobal güclərlə əlaqələrini möhkəmləndirməsini emosiyalara hesablanmış, praqmatizmdən tamamilə uzaq tezislərlə şərh etməyə cəhd göstərirlər. Hesab edirəm ki, bunun iki səbəbi ola bilər: Ya onlar ümumiyyətlə geosiyasətdən xəbərsizdirlər. Yaxud da baş verənləri anladıqları kimi deyil, arzuladıqları kimi təqdim etməyə çalışırlar. Bu, çox təəssüf doğurur”.

Bu gün dünyada baş verən proseslər ehtiyatlı, düşünülmüş və milli mənafeləri maksimum səviyyədə qorumağa imkan verən xarici siyasət strategiyası həyata keçirməyin son dərəcə zəruri olduğunu göstərir: “Bir çox ekspertlər bu fikri təsdiq edirlər ki, İkinci Dünya müharibəsindən sonra dünyada heç vaxt indiki qədər qəliz, gərgin bir vəziyyət yaranmayıb. Bu gərgin mərhələdə ölkənin milli maraqlarını qorumaq, təhlükəsizliyini təmin etmək son dərəcə çətindir. Hesab edirəm ki, bugünkü reallıqlar Azərbaycanın qlobal çağırışlara uyğun düzgün siyasət yürütdüyünü təsdiq edir”.