Azərbaycan indi beynəlxalq münasibətlərdə daha böyük ehtiram göstərilən dövlətdir

Bu gün - 20 Sentyabr Azərbaycanda Xankəndi, Xocalı, Xocavənd və Ağdərə şəhərləri günüdür

“Əsrin müqaviləsi”nin imzalanmasından 32 il keçir

Prezidentin sosial şəbəkə hesablarında Dövlət Suverenliyi Günü ilə bağlı videoçarx paylaşılıb - Video

Azərbaycanda Dövlət Suverenliyi Günüdür

Prezidentdən İsgəndər Cavadovla bağlı - Sərəncam

Hansı temperaturda çay içmək xərçəng yaradır?

DİN-dən antiterror əməliyyatında iştirakı ilə bağlı VİDEO

“Bitcoin”in yenidən bahalaşdı

Azərbaycan indi beynəlxalq münasibətlərdə daha böyük ehtiram göstərilən dövlətdir

sosial

Oxunub: 451 642

28 май 2022 | 18:17

Azərbaycan indi beynəlxalq münasibətlərdə daha böyük ehtiram göstərilən dövlətdir

104 il bundan əvvəl öz müstəqilliyinə qovuşan Azərbaycan mövcud olduğu iki il müddətində həm dövlətçilik ənənəsini bərpa etməli, həm ərazi bütövlüyünü təmin etməli, həm də dağılmış Rusiya imperiyasının caynağından xilas olmalı idi. Lakin o dövrün siyasi reallıqları yenicə qurulmuş bir dövlətin bunları həyata keçirilməsinə ciddi əngəl törədirdi. Həm imperialist güclərin basqısı, həm də mənfur qonşuların torpaq iddiaları yenicə qurulmuş bir dövlətin inkişafına mane olurdu. Məcburiyyətdən öz tarixi ərazilərimizdən imtina edilməsi, qədim Azərbaycan şəhəri İrəvanın ermənilərə güzəştə gedilməsi bunun sübutu idi. Çünki yenicə qazanılmış müstəqillik kövrək idi. Bir neçə cəbhədə mübarizə aparmaq, reallıqlarla barışmamaq dövlətçiliyin məhvinə gətirib çıxara bilərdi. Daha sonra sovet hakimiyyəti Şərqi Zəngəzuru, Azərbaycanın tarixi ərazilərini Ermənistana verərək Azərbaycanın ərazi bütövlüyünə çox ciddi zərbə vurmuş oldu. Çünki o dövrlər ciddi ziddiyyətlər dövrü idi və Azərbaycan bu problemləri həll etmək gücündə deyildi.
Bu gün isə reallıqlar dəyişib. 1993-cü ildən öz həqiqi müstəqilliyinə qovuşan Azərbaycan Ulu Öndər Heydər Əliyevin böyük dühası, əzmi və nəhəng idarəçilik ideyaları əsasında inkişaf etməkdə, regionda ən güclü dövlətə çevrilməkdədir.
Dünyada gedən siyasi proseslər və kataklizmlər fonunda Azərbaycan həm iqtisadi gücünə, həm hərbi cəhətdən inkişaf tempinə, həm də daxili sabitliyinə görə təhlükəsizlik sabitlik diyarına çevrilib. Bunu ölkədə aparılan quruculuq işləri, işğaldan azad olmuş ərazilərdə görülən işlər və cəmiyyətin daxili siyasətə müsbət reaksiyası bir daha sübut edir. Cənab Prezident İlham Əliyevin mütəmadi olaraq işğaldan azad olunmuş ərazilərdə bərpa-quruculuq prosesləri ilə yaxından tanış olması, müvafiq göstərişlər verməsi, həm Azərbaycan cəmiyyətinə, həm də dünya ictimaiyyətinə ötürülən mesajlar Azərbaycanın müstəqillik yolunda inamlı addımlarını və qətiyyətini bir daha təsdiqləyir. Cənab Prezidentin Zəngilan rayonunun Ağalı kəndində “Ağıllı kənd” layihəsinin açılışında çıxışında dediyi kimi “Azərbaycan xalqı bundan sonra müzəffər xalq kimi yaşayacaq. Biz 44 gün ərzində həm ərazi bütövlüyümüzü bərpa etdik, həm ədaləti bərpa etdik, həm milli ləyaqətimizi bərpa etdik.
Son 100 ildə havadarlarının köməyinə və dəstəyinə arxalanan, daim diqtə edən və silah gücü ilə danışan, Azərbaycanın əzəli torpaqlarında, sözün əsil mənasında barbarlıq edən - Ermənistanın acınacaqlı vəziyyəti göz qabağındadır. Cənab Prezidentin qeyd etdiyi kimi bu vəziyyət onların işğalçılıq siyasətinin nəticəsidir. Ermənistan özü nə hərbi, nə siyasi, nə iqtisadi cəhətdən hətta orta səviyyəli dövlət sayıla bilməz. - Postmünaqişə dövründə gündəliyi Azərbaycan diktə edir. Dağlıq Qarabağ münaqişəsi həll olunub, Minsk qrupu öz fəaliyyətini başa vurub. Bütün dünya, aparıcı ölkələr və aparıcı beynəlxalq təşkilatlar yeni reallıqları qəbul ediblər. Gündəliyimiz artıq aparıcı beynəlxalq təşkilatlar tərəfindən əsas kimi götürülür. Sərhədlərin müəyyən olunması avtomatik olaraq Ermənistanda revanşist, faşist qüvvələr tərəfindən Azərbaycana qarşı irəli sürülən ərazi iddialarına da rəsmən son qoyulması demək olacaqdır. Qarabağ diyarının Azərbaycan ərazisi olduğunu bütün dünya qəbul edir.
44 günlük Vətən müharibəsi həm xalqımızın gücünü, həm də mənəvi keyfiyyətlərini göstərdi. Biz ermənilərdən fərqli olaraq dinc əhaliyə qarşı müharibə, etnik təmizləmə aparmırıq, şəhər və kəndləri yerlə-yeksan etmirik. Dünyaya sübut edirik ki, ermənilərdən fərqli olaraq biz qurub yaradan, səhranı belə cənnətə çevirməyi bacaran millətik.
Ulu Öndər Heydər Əliyev ideyalarına söykənərək müstəqil dövlətçilik yolunda ardıcıl mübarizə aparan Azərbaycan isə özünün yüksəliş dövrünü yaşayır, gün-gündən çiçəklənir. Ölkə nəhəng tikinti meydançasını xatırladır.
Reallıq odur ki, iqtisadi cəhətdən müstəqil dövlətlər barmaqla sayılacaq qədər az olduğu bir dövrdə Azərbaycan bu dövlətlərdən biridir. Hər hansı yardıma, kreditə ehtiyac duymayan dövlətimizin iqtisadi qüdrəti artmaqdadır. İqtisadi göstəricilərimiz çox müsbətdir. Dünya miqyasında bu il ən sürətlə inkişaf edən ölkələrdən biri Azərbaycandır.
Azərbaycan indi beynəlxalq münasibətlərdə daha böyük ehtiram göstərilən dövlətdir.
Beynəlxalq hüquq işləmədiyi indiki zamanda güc amili ön plandadır. Şərait göstərir ki, güc amili bundan sonra da dünyada hakim olacaq Ona görə də daha güclü olmalıyıq, güc toplamalıyıq. Həm hərbi qüdrətimizi, həm də iqtisadi gücümüzü artırmalıyıq.
Bu gün tarixin ən mürəkkəb sınaqlarından uğurla keçən Azərbaycan müstəqilliyimizin 104-cü ilini qeyd edir. Azərbaycan Prezident İlham Əliyevin səbirli, müdrik və uzaqgörən diplomatiyasının qazandırdığı zəfərlə güclü, qüdrətli dövlət kimi yeni bir tarixi dövrə qədəm qoyur.

Rüstəm Nağıyev,
YAP Gədəbəy Rayon Təşkilatının sədri