Abşeronda RİH-nin başçısı daha bir qanunsuz tikinti işlərinə göz yumur, səbəb?

Yeni iPhone-da gözlənilməz problem, 3 dəqiqəyə od kimi qızdı – Əldə saxlamaq olmur

Yunanıstanlı siyasətçidən QALMAQALLI BƏYANAT: Yeganə həll yolu türkləri öldürməkdir

Fermerdən 15 qəpiyə alınan məhsul bazarda necə 1,5 manata satılır?

Sensasion iddia: "Putinin partiyası" cəmi 34 faiz səs toplayıb

Azərbaycanda bu şəxslərin evlənməsi QƏTİ QADAĞANDIR

Azərbaycan lideri: Təhlükəsizliyin etibarlı təmin olunması üçün risklərin qarşısını vaxtında almaq vacibdir

Dövlət başçısı: Süni intellektin bədniyyətli istifadəsi terrorla mübarizəyə ciddi əngəllər törədir

DYP kənd texnikası sürücülərinə müraciət etdi

Abşeronda RİH-nin başçısı daha bir qanunsuz tikinti işlərinə göz yumur, səbəb? – VİDEO / FAKT

gundem / bolge / video

Oxunub: 574 817

25 окт 2023 | 14:07

Xeyli vaxtdır ki, Abşeron rayon İcra Hakimiyyətinin başçısı Abdin Fərzəliyevin verdiyi icazə sənədləri əsasında həyata keçirilən qanunsuz tikinti işləri, təkcə bu rayonun ərazisində deyil, sanki ölkə miqyasında böyük səs-küyə səbəb olmaqdadır. Sual oluna bilər ki, niyə? Bu sualın yalnız bir cavabı var, o da inşaası həyata keçirilən tikinti işlərinə dair lazımi sənədlərin olmamasıdır. Diqqət yetirək ki, Abdin Fərzəliyev növbəti qanunsuzluq əməlini Xırdalan şəhəri, Heydər Əliyev prospektində, daha dəqiq desək əvvəlki təcili tibbi yardım stansiyasının yaxınlığında həyata keçirməkdədir. Əldə etdiyimiz bəzi məlumatlara görə, qeyd olunan ünvanda təqribən ümumi sahəsi 1200 kvm, ikimərtəbəli fərdi yaşayış evinin inşa olunacağı bildirilsə də, bu heç də belə deyil. Çünki, bu gün də inşaası həyata keçirilən həmin tikilinin ümumi sahəsinə diqqət yetirməklə onu müəyyən etmək olar ki, tikili fərdi yaşayış evi üçün deyil, digər təyinat üzrə inşa olunmaqdadır. Bəli, müəyyən mənbələrdən belə bir məlumat da əldə etmişik ki, bu tikinti işlərinə dair lazımı sənədlər yoxdur və tikintinin sahibi RİH-nin “xeyr-duası” əsasında işlərini davam etdirir. Faciə odur ki, bu cür qanunsuz tikinti işlərinə Fövqəladə Hallar Nazirliyinin Regional şöbəsinin əməkdaşları da göz yumurlar. Bu da onu söyləməyə əsas verir ki, cənab Kəmaləddin Heydərovun tabeliyində çalışanlar elə hallar olur ki, şəxsi maraqları təmin olunarkən hər cür qanunsuzluqlara göz yummağı özlərinə rəva bilirlər. Amma, bu rayonun ərazisində elə tikinti işləri var ki, onların fəaliyyətləri xeyli müddətdir ki, dayandırılıb və belə bir qərar FHN-nin Regional şöbəsinin rəhbərliyi tərəfindən verilir. O halda ortaya düşündürücü suallar çıxır, görəsən səbəb nə olur ki, FHN-nin əməkdaşları bəzi tikililərdə işləri dayandırırlar, amma lazımi sənədi olmayan digər tikililərdə isə, həyata keçirilən qanunsuz tikinti işlərinə göz yumurlar? Deməli, burada həm əmmalar, həm də əksəriyyətin bilmədiyi, yaxud da eşitmədiyi bir çox müəmmalar var. Yəni, həmin əmmaların və müəmmaların varlığını hər iki tərəf gizli saxlasalar da, bu haqda bəzi çevrələrdə müəyyən söz-söhbətlər dolaşmaqda davam edir. Yəni, dolaşan söz-söhbətlərdə qeyd olunur ki, 19 yanvar 2022-ci il tarixdən Abşeron Rayon İcra Hakimiyyətinin başçısı vəzifəsini daşıyan Abdin Fərzəliyev, hal-hazırda bu rayonun ərazisində inşaası həyata keçirilən kiçik tikinti işlərinin hər birinə şərik olur. Ona görə də, hal-hazırda Abşeron rayonu ərazisində qanunsuz tikinti işləri tüğyan etməkdədir.

Elə ki, belə bir problemlərin varlığı ilə bağlı sakinlərin şikayətlərini əsas tutaraq aidiyyəti dövlət qurumlarına, o cümlədən Abşeron RİH-nə rəsmi qaydada məktub ünvanlayıb problemin araşdırılmasına nail olmaq istəyirik, o halda Abşeron RİH-dən başaldadıcı cavablar verilir. Sual oluna bilər ki, nəyə görə RİH-nin inzibati binasından heç də uzaq məsafədə olmayan ərazidə, yəni Xırdalan şəhəri, Heydər Əliyev prospektində inşaası həyata keçirilməkdə olan tikiliyə aid lazımi sənədlər olmadığı halda, məhz həmin tikilinin inşaasına icazə verilir? Deməli, tikinti işlərinin həyata keçirilməsinə cavabdehlik daşıyan bir çox dövlət qurumları, ələlxüsus Abşeron RİH Aparatı əməkdaşlarının, FHN Regional şöbəsi əməkdaşlarının susmaları, bir növ özlərini görməzliyə vurmaları onu sübut edir ki, həm Abdin Fərzəliyevin, həm də Kəmaləddin Heydərovun tabeliyində çalışanları, bu gün xalqın taleyi deyil, yalnız şəxsi maraqlarının təmin olunması düşündürür. Əgər bu belə olmasaydı, o halda Xırdalan şəhəri, Heydər Əliyev prospektində inşaası həyata keçirilən tikinti işlərinin ətraf ərazisində yaşayan sakinləri gündəlik narahat edən, texniki təhlükəsizlik qaydalarına riayət olunmadan inşaası həyata keçirilən həmin tikili ilə bağlı, adı çəkilən bu dövlət qurumunun əməkdaşları əməli addımlarını atardılar. Qarşı tərəfin də mövqeyini dinləməyə hazırıq.

Mövzuya qayıdacağıq.

Vahid Coşqun.
Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!