Küllı əmrin izni olmuş, sən əmirdən ya Əli
Din bütündür sən kimin xərülkəsirdən ya Əli

Gəldi göylərdən o gün mövla deyən kamilləşir
Göl, dəniz tək axdı daşqın ol "Ğədir"dən ya Əli

Sən "Vilayət" varliğinda yol verirsən varliğa
Doğru yolsan izləyən çıxmaz məsirdən ya Əli

" Sabitolqovl" adlanan, sən "Bab-i- hittə" açmısan
Âləmin var nüsrəti sən tak "Nəsir"dən ya Əli

Kimsə "Rədülşəms" edən, "Zülqəlb"idir səndən suvay
Hər könüldə bir çırağ yanmış "Bəsir"dən ya Əli

Göydə "Şəmsatilə" m'əruf, yerdə həq "Cəmhail"i
Yerlə göy minnətdədir, sən tək "Əcir"dən ya əli

Rumlu Betrusa deyir, Turat-i- İncil "İliya"
Türkə qismətdir payin alsın "Bəsir"den ya Əli

Haq kəlamın,haq deyənlər yaydı âləm icrə çün
Haq sözün almış ərənlər həq "Səfir"dən ya Əli

On birin on birdə, on bir sirrı var yüz irmi bir
Əbcəd almış öz hesabın ol kəbirdən ya Əli

Həq-i-batil çıxdı səndən, çün qaranliq kölgədən
Yol işiqdir təkcə "Bürhan olmünir"dən ya Əli

Tur Sinin sən, təcəlladən yazılmış bir kitab
Min qələm "la rəybə" yazmış lövhə birdən ya Əli

Ağladıb məzlümların könlündə ki ahlar səni
Ağrıdan heç bilmədin, bəs canda tirdən ya Əli

"Lafəta illa Əli" sən, kimsə olmaz tay sənə
Kəsmədin öz rəhmətin, m'əlun əsirdən ya Əli

Kim ayaq toprağıva, sınmış ürəklə üz qoyur
Haq yanında varlıdır şahdan vəzirdən ya Əli

Haq kəlamında deyilmış sirlərin əsrarısan
Həqqə həqdan həq yazılmış doğru sirdən ya Əli

Əldə "Səmsam",atlı "Qəmqam", əhli həq səndən tapıb
Dağ kürək, cuşğun ürək ,sən tək "Zəhir"den ya Əli

Saqisən yar həlqəsində, "la" camında "Hu" meyin
Elman almış öz payın,bir şanlı pirdən ya Əli

O.D.ELMAN