Maklerlər tərəfindən tikilən həyət evləri kredit vasitəsi ilə satışa çıxarılıb

Son illər ölkədə qanunsuz tikililərin qarşısının alınması üçün dövlət qurumları tərəfindən görülən tədbirlərə baxmayaraq, hələ də bu işlərlə məşğul olan şəbəkələr fəaliyyətlərini davam etdirirlər.

Qanunsuz həyət evlərinin gizli tikintisinin yayıldığı ərazilərdən biridə Abşeron rayonudur.

AzFakt.com xəbər verir ki, Abşeron rayonu Hökməli qəsəbəsi hazırda heç bir rəsmi icazə olmadan və müvafiq sənədləşmə işləri aparılmadan qanunsuz həyət evlərinin kütləvi tikintisi aparılır.

Saytımıza daxil olan məlumata görə, Hökməli qəsəbəsində inşa edilən həyət evlərinin tikintisi üçün Dövlət Şəhərsalma və Arxitektura Komitəsi ilə FHN-nin Tikintidə Təhlükəsizliyə Nəzarət Dövlət Agentliyinin heç bir rəsmi icazəsi yoxdur.

Bildirilir ki, inşa edilən evlərin torpaq çıxarışı olsada, tikinti üçün rəsmi icazə yoxdur. Buna baxmayaraq adlı makler Abşeron rayon İcra Hakimiyyəti ilə “anlaşaraq” tiknti işlərini davam etdirir. Ərazidə tikilən evlər ilkin ödəniş ödənilmək şərtilə kreditə verilir.

Məlumata görə Dövlət Şəhərsalma və Arxitektura Komitəsi ilə FHN-nin Tikintidə Təhlükəsizliyə Nəzarət Dövlət Agentliyinin ərazidəki tikintilərdən xəbərdar olsada, hansısa səbəblərdən qanunsuzluğa göz yumurlar.

Yazıda adı keçən qurum və şəxslərin mövqeyini dərc etməyə hazırıq.