Bu il Avropada qeydə alınan rekord istilər 43 milyard avro (təx. 86 milyard manat) ziyan vurub.

“The Guardian xəbər verir ki, bu barədə Mannheim Universiteti və Avropa Mərkəzi Bankının iqtisadçıları tədqiqat aparıb.

Ən çox zərərin Kipr, Yunanıstan, Malta və Bolqarıstana dəydiyi bildirilib. Bu ölkələr 2024-cü ildə “ümumi əlavə dəyər”in (GVA) 1%-dən çoxunu itirib.

Zərər çəkənlər sırasında həmçinin İspaniya, İtaliya və Portuqaliya kimi digər Aralıq dənizi ölkələri də yer alıb.

2024-cü ilin yayında istilik dalğaları, quraqlıq və daşqınların Avropa İttifaqı iqtisadiyyatına dərhal təsiri ümumi iqtisadi məhsulun 0,26%-ə bərabərdir.

Avropanın hesablamalarına görə, 2029-cu ilə qədər bu rəqəmin 126 milyard avroya çatacağı gözlənilir.

Araşdırmalar göstərir ki, iqlim böhranı İspaniya və Portuqaliyada yanğın riskini 40 dəfə, Yunanıstan və Türkiyədə isə 10 dəfə artırıb. İyun ayında baş verən "səssiz, lakin dağıdıcı" isti dalğasının 12 böyük şəhərdə ölənlərin sayını üç dəfə artırdığı təxmin edilir.

Məlumata görə, keçən ay Cənubi Avropanı məhv edən rekord meşə yanğınları və eyni vaxtda baş verən fəlakətlərin mürəkkəb təsirləri təhlilə daxil edilməyib.