Qanunsuz estetik əməliyyat edən “Dr Gülü”-nün fəaliyyəti dayandırıldı - Özü paytaxtdan qaçıb, şəriki isə gizlənir

Yunanıstanlı siyasətçidən QALMAQALLI BƏYANAT: Yeganə həll yolu türkləri öldürməkdir

Fermerdən 15 qəpiyə alınan məhsul bazarda necə 1,5 manata satılır?

Sensasion iddia: "Putinin partiyası" cəmi 34 faiz səs toplayıb

Azərbaycanda bu şəxslərin evlənməsi QƏTİ QADAĞANDIR

Azərbaycan lideri: Təhlükəsizliyin etibarlı təmin olunması üçün risklərin qarşısını vaxtında almaq vacibdir

Dövlət başçısı: Süni intellektin bədniyyətli istifadəsi terrorla mübarizəyə ciddi əngəllər törədir

DYP kənd texnikası sürücülərinə müraciət etdi

Deputat: “Ətrafı iy bürüyür, ərazidən keçmək olmur”

Qanunsuz estetik əməliyyat edən “Dr Gülü”-nün fəaliyyəti dayandırıldı - Özü paytaxtdan qaçıb, şəriki isə gizlənir

gundem / sosial

Oxunub: 91

30 окт 2025 | 15:11

Səhiyyə Nazirliyinin və Baş Prokurorluğun müdaxiləsindən sonra qanunsuz estetik əməliyyatlar edən Gülbadə Abdullayeva fəaliyyət göstərdiyi “klinika”nı bağlayıb...

Səhiyyə Nazirliyinin tibb işçilərinin vahid reyestrində adı olmayan və özünü “Dr Gülü” kimi təqdim edən Gülbadə Abdullayeva adlı xanımın qanunsuz fəaliyyətini bərpa etməsi ilə bağlı məlumat vermişdik.

AzFakt.com-un xəbərində bildirilirdi ki, Gülbadə Abdullayeva Binəqədi rayon 7-ci mikrarayon Bakı-Qars küçəsində (keçmiş Azərbaycan Beynəlxalq Univeristeti) ilə üzbəüz binanın altında gizli icarəyə obyekt götürərək liposaksiya bədən şəkilləndirmə əməliyyatı ilə məşğul olmağa başayıb.

Gülbadə Abdullayevanın qanunsuz fəaliyyətində şərikinin Fatima adlı bir xanım olduğunu qeyd etmişdik.

AzFakt.com-a daxil olan məlumata görə özünü sosial şəbəkələrdə cərrah “Dr Gülü” kimi təqdim edən Gülbadə Abdullayevanın qanunsuz fəaliyyəti ilə bağlı məlumat dərc etdikdən sonra aidiyyatı qurumlar hərəkətə keçiblər. Belə ki, Gülbadə Abdullayevanın qanunsuz fəaliyyətinə Səhiyyə Nazirliyi və Baş Prokurorluq müdaxilə edib. Məhz bu müdaxilədən sonra “Dr Gülü” G.Abdullayeva yeni açdığı qanunusuz 2 otaqlı “klinika”sını bağlayaraq yoxa çıxıb. Saytımıza verilən məlumatda iddia edilir ki, G.Abdullayeva müvəqqəti olaraq rayonlardan birinə qaçıb. Ortağı Fatimə xanım isə gözə görünməmək üçün Bakıda gizlənir.

Bildirək ki, özünü cərrah “Dr Gülü” kimi təqdim edən Gülbadə Abdullayevanın pasyentin üzərində apardığı bədən şəkilləndirmə əməliyyatı zamanı çəkdiyi görüntü saytımıza göndərilib. Həmin görüntünü izlədikdən sonra Gülbadə Abdullayevanın normal bir olmadığı və psixoloji çatışmamazlığının olduğu qənatəinə gəlmək olar.

Videoda Gülbadə Abdullayevanın onunla birlikdə əməliyyatda iştirak edən digər bir xanımla pasiyentin üstündə öpüşməsi və əllərindəki cərrahiyə avadanlığını qılınc kimi toqquşdurmaları əks olunub.

Gülbadə Abdullayevanın narkoz verilmiş pasiyentin üzərində müxtəlif hərəkətlər etməsi onun psixaloji durumunda çatışmamazlığın olduğu qənaətinə gəlmək olar.

Bundan başqa “Dr Gülü”nün bədən şəkilləndirmə əməliyyatı etdiyi otağa diqqətlə nəzər yetirdikdə, həmin yerin sıradan hansısa ofis otağı olduğu açıq aydın bilinir.

Qeyd edək ki, Gülbadə Abdullayevanın qanunsuz həkim fəaliyyəti uzun müddət kimlərinsə, hansısa vəzifəli şəxslərin himayəsi sltında həyata keçirib. Hətta vəziyyət o dırəcəyə gəlib çatıb ki, Səhiyyə Nazirliyinin prokurorluğa müraciət etməsinə baxmayaraq, “Dr Gülü” öz fəaliyyətini davam etdirib.

Xatırladaq ki, son zamanlar Bakı şəhərində qanunsuz və sertifikatsız fəaliyyət göstərən "həkim"lərin sayı sürətlə artmaqdadır. Ona görə də “Dr Gülü” kimi qanunsuz fəaliyyət göstərən "həkim"lərin məsuliyyətə cəlb edilməsi cəmiyyətimizin təhlükəsizliyi baxımından çox aktual məsələdir.

Qeyd edək ki, Gülbadə Abdullayeva bir müddət öncə estetik əməliyyat zamanı xəstənin başının üstündə rəqsi ilə gündəmə gəlmişdi.

Səhiyyə Nazirliyinin yaydığı məlumatda bildirilir ki, Gülbadə Əliqismət qızı Abdullayevanın adı nazirliyin tibb işçilərinin vahid reyestrində yoxdur və onun tibbi fəaliyyət göstərmək səlahiyyəti mövcud deyil.

Tibbi fəaliyyət göstərmək səlahiyyəti olmamasına baxmayaraq, Gülbadə Abdullayeva qanunları heçə sayaraq, yenidən gizli şəkildə müxtəlif yerlərdə icarəyə bir neçə otaqlı obyekt götürərək qanunsuz liposaksiya, bədən şəkilləndirmə əməliyyatı ilə məşğul olur.

Hazırda Səhiyyə Nazirliyinin müdaxiləsindən sonra Gülbadə Abdullayevanın fəaliyyəti dayandırılıb. Ancaq bir müddətdən sonra Gülbadə Abdullayevanın yenidən qanunsuz fəaliyyətlə məşğul olmayacağına zəmanət verən yoxdur.

Mövzunu gündəmdə saxlayacağıq.